Баранавічы: індывідуальныя прадпрымальнікі накіравалі заяву і 105 подпісаў начальніку ГАУС за вызваленне Мікалая Чарнавуса (фота)

2014 2014-07-03T18:24:18+0300 2014-07-03T18:24:18+0300 be http://spring96.org/files/images/sources/charnavus-list-vyzvalenne-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Сёння, 3 ліпеня, індывідуальныя прадпрымальнікі Цэнтральнага гарадскога і Палескага рынкаў напісалі заяву і сабралі 105 подпісаў за вызваленне Мікалая Чарнавуса, які цяпер знаходзіцца ў I-м хіругічным аддзяленні гарадской бальніцы пад наглядам міліцыі. Грамадскі актывіст абвінавачваецца па арт. 23.34 ч.3 КаАП – арганізацыя і правядзенне несанкцыянаванага мерапрыемства прадпрымальнікаў 1 ліпеня.

У заяве на імя начальніка ГАУС палкоўніка Вячаслава Герасімовіча адзначаецца, што Мікалай Чарнавус не ўчыніў супрацьпраўных дзеянняў, бо індывідуальныя прадпрымальнікі самаарганізаваліся 1 ліпеня і правялі сход на каапрынку і ў гарвыканкаме.

Таму яны просяць: 1) праверыць аб’ектыўнасць затрымання 2 ліпеня М. Чарнавуса, улічаючы тое, што ён з’яўляецца інвалідам II-ой групы; 2) прыняць да ўвагі 105 подпісаў ІП, якія падцвярджаюць факт самаарганізацыі прадпрымальнікаў 1 ліпеня; 3) вызваліць Мікалая Чарнавуса з-пад варты.

Каля 40 ІПэшнікаў адвезлі гэты калектыўны зварот у гарадскі аддзел міліцыі. А іх прадстаўнікі Мікалай Чарнавус-малодшы і Аляксандр Вайцешык перадалі супольную заяву з подпісамі начальніку аддзела оховы правапарадку і прафілактыкі падпалкоўніку міліцыі Андрэю Урублеўскаму. Супрацоўнік міліцыі, ў прысутнасці Чарнавуса-малодшага і Аляксандра Вайцешыка зарэгістраваў заяву і выказаў надзею, што, магчыма, сёння Чарнавус-старэйшы будзе вызвалены з-пад варты.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international