Мінінфармацыі вынесла папярэджанне газеце «Свободные новости плюс»

2014 2014-05-27T12:50:52+0300 2014-05-27T12:50:52+0300 be http://spring96.org/files/images/sources/pralaskouski_nn.jpg
Алег Праляскоўскі, міністр інфармацыі Беларусі

Алег Праляскоўскі, міністр інфармацыі Беларусі

Чыноўнікі вінавацяць рэдакцыю ў нанясенні шкоды грамадскім інтарэсам і фармаванні негатыўнага стаўлення да прайшоўшага Чэмпіянату свету па хакеі.

Папярэджанне тычыцца №17 выдання ад 6 мая 2014 года, дзе «СНплюс. Свободные новости плюс» паведамлялі пра тое, што Расійская Федэрацыя не заявіла для ўдзелу ў чэмпіянаце ніводнага з хакеістаў, якія прымалі ўдзел у алімпіядзе ў Сочы.

Як распавёў прэс-службе ГА “Беларуская асацыяцыя журналістаў” галоўны рэдактар выдання Васіль Зданюк, на момант падпісання нумару ў друк - 5 мая - інфармацыя цалкам адпавядала рэчаіснасці, і рэдакцыя ніякім чынам не збіралася падаваць непраўдзівыя дадзеныя.

Але 6 мая, у дзень выхаду газеты, расійская зборная раптоўна змяніла ўласную заяўку на чэмпіянат, уключыўшы туды двух хакеістаў, якія ўдзельнічалі ў алімпійскім турніры ў Сочы. Менавіта да гэта факту і прычапіліся чыноўнікі з Міністэрства інфармацыі Беларусі.

Паводле чыноўнікаў, распаўсюджаная газетай інфармацыя нібыта наносіць шкоду грамадскім інтарэсам, а таксама фармуе негатыўнае стаўленне да прайшоўшага Чэмпіянату свету па хакеі.

Папярэджанне ад 12 мая падпісана міністрам інфармацыі Беларусі Алегам Праляскоўскім.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international