Сілавікі атрымаюць анлайн-доступ да камер ў кафэ і клубах

2014 2014-02-28T12:25:55+0300 2014-02-28T12:25:55+0300 be http://spring96.org/files/images/sources/videazdymki.jpg

Да чэмпіянату па хакеі сістэмы відэаназірання аб'яднаюць у адзіную сістэму.

 

Пра гэта гаворыцца ва ўказе «Аб пытаннях стварэння і прымянення сістэмы відэаназірання у інтарэсах забеспячэння грамадскага парадку».

Вядома, што камеры назірання стаяць у метро, спартовых пляцоўках, пераходах і адміністратыўных будынках. Іх падлучылі да адзінай сістэмы з 1 студзеня 2014 года.

Згодна з указам, абсталяваць сістэмай відэаназірання месцы масавага збірання людзей мусяць да 1 сакавіка.

Пастановай Саўміна нават зацверджаны спіс такіх месцаў: гэта амаль 300 рэстаранаў і кавярняў, а таксама крамы, клубы, казіно і АЗС у Мінску.

У адным з мінскіх рэстаранаў патлумачылі, што камеры стаяць ужо даўно. А вось падключэнне да адзінай сістэмы — у працэсе.

Што гэта за сістэма відэаназірання? Сістэма працуе на лічбавых камерах. Таму калі ў кафэ няма камер альбо стаяць аналагавыя, то давядзецца паставіць лічбавыя. У Мінску генеральным падрадчыкам па абсталяванні камерамі прызначана «Агат-сістэмы кіравання». Там адмовіліся размаўляць на гэтую тэму і параілі пачытаць указ.

«Нам ніхто не навязвае, да каго звяртацца па ўсталёўку камер», — у адным з рэстаранаў тлумачаць, што камеры ставіла прыватная фірма.

Далей уласнік кафэ мусіць забяспечыць кругласутачную працу камер, запіс інфармацыі і захоўванне яе на працягу месяца.

Карыстальнікі сістэмы — МУС, КДБ, ААЦ, МНС, памежнікі і мытнікі, служба бяспекі прэзідэнта. Яны могуць мець доступ да камер «праз агульныя ці выдзеленыя каналы сувязі з магчымасцю адначасовага атрымання інфармацыі ўсімі карыстальнікамі».

«Гэта звычайная IP-камера, якая мае свой IP-адрас. Яго можна ўвесці нават у браузер і атрымаць карцінку», — тлумачыць эксперт Еўрарадыё.

Акрамя таго, указам вызначаецца пэўны спіс месцаў, дзе доступ да камер не будуць мець усе карыстальнікі: гэта аб'екты часовага знаходжання ахоўваемых асоб, якія вызначае Служба бяспекі прэзідэнта.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international