У Оршы забаранілі канцэрт Вайцюшкевіча

2013 2013-11-27T13:53:34+0300 2013-11-27T13:53:34+0300 be http://spring96.org/files/images/sources/vajciushkievich.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Зьміцер Вайцюшкевіч. Фота: svaboda.org

Зьміцер Вайцюшкевіч. Фота: svaboda.org

Выступ знакамітага спевака ўваходзіў ў шэраг мерапрыемстваў, прысвечаных Дню нараджэння Уладзіміра Караткевіча і павінен было адбыцца ў музеі пісьменніка сёння. Адпаведна і песні, якія павінны былі выконвацца на канцэрце, планаваліся пераважна на тэксты Уладзіміра Сямёнавіча.

Але напярэдадні стала вядома, што канцэрту не будзе. Як паведамляе Аршанскі рэгіянальны партал, па словах аднаго з арганізатараў мерапрыемства, забарона канцэрту - гэта ініцыятыва не нашых чыноўнікаў ад культуры, такі загад магло спусціць толькі больш высокае кіраўніцтва. Тым больш, што каля тыдня таму, таксама за дзень да плануемай даты, такі ж канцэрт быў забаронены па загадзе з аблвыканкама ў Полацку. Тады аднаго з арганізатараў полацкага канцэрта нават паабяцалі звольніць з пасады.

У Оршы сітуацыя адбылася падобная. Першапачаткова ніякіх праблем з выступам Вайцюшкевіча не было, але нечакана ўчора арганізатарам паведамілі аб немагчымасці правядзення мерапрыемства. Раней Зьміцер неаднаразова выступаў на розных пляцоўках горада.

Замест канцэрту для людзей, якія прыйдуць на Вайцюшкевіча, работнікамі музея тэрмінова падрыхтавана іншая праграма з чытаннем вершаў і праглядам фільма, прысвечанага Караткевічу.

Нагадаем, што вясной 2011 года Зьміцер Вайцюшкевіч з шэрагам іншых папулярных беларускамоўных выканаўцаў патрапіў у так званы "чорны спіс". Музыкаў з гэтага спісу забаранялася трансляваць па тэлебачанні і радыё, а таксама ствараліся перашкоды для іх канцэртнай дзейнасці.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international