Генпракуратура адказала пісьменьнікам

2010 2010-12-30T21:13:00+0200 1970-01-01T03:00:00+0300 be

Генпракуратура Беларусі адказала беларускім літаратарам на запыт адносна Ўладзімера Някляева, накіраваны 27 сьнежня.

Ліст з пракуратуры атрымаў Сяргей Законьнікаў.

«Гэта была заява наконт допуску адваката да Ўладзімера. І наконт таго, каб Генпракуратура нарэшце паведаміла беларускаму грамадзтву, дзе знаходзіцца Някляеў, бо тое, што прэзыдэнт гаворыць, гэта яшчэ адно, мы нашаму прэзыдэнту ня верым. Таму мы зьвярнуліся ў пракуратуру», — сказаў спадар Законьнікаў.

Генпракуратура адказала, што Ўладзімер Някляеў знаходзіцца пад вартай у СІЗА КДБ.

«Адначасова паведамляю, што надалей інфармацыя пра месцазнаходжаньне ўзятага пад варту, згодна зь дзейным крымінальна-працэсуальным заканадаўствам Рэспублікі Беларусь, будзе падавацца толькі паўналетнім членам яго сям’і ці блізкім сваякам», — адзначае ў лісьце намесьнік Генпракурора Беларусі Лашын.

Спадар Законьнікаў сказаў, што не чакаў адказу на зварот з Генпракуратуры праз трое сутак.

Сяргей Законьнікаў сказаў, што сёньня беларускія літаратары зьвярнуліся да Генэральнага пракурора Беларусі Рыгора Васілевіча з патрабаваньнем выратаваць жыцьцё паэта Ўладзімера Някляева. Адказу на яго пакуль не паступіла.

«Тэрмінова трэба такога цяжкахворага чалавека шпіталізаваць і аказаць яму самую лепшую дапамогу. Калі гэта ня будзе зроблена, то здароўе і далейшы лёс Уладзімера будзе на сумленьні тых, хто яго трымае і так вось зьдзекуецца зь яго», — адзначыў Сяргей Законьнікаў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international