У Гомельскай вобласці зменшылася колькасць участкаў для галасавання

У Гомельскай вобласці утвораны 1114 участкаў для галасавання на будучых прэзідэнцкіх выбарах. На вясенніх выбарах у мясцовыя саветы былі ўтвораны 1123 участкі для галасавання, а на выбарах у мясцовыя саветы у 2007 годзе было 1124 участкі. Зменшылася колькасць і закрытых участкаў – у ваенных частках, бальніцах. Калі на мінулых выбарах у мясцовыя саветы было 48 такіх участкаў, то зараз – 45, 41 з якіх – у бальніцах, санаторыях, дамах адпачынку.

Але, напрыклад, у Цэнтральным раёне Гомеля на мінулых выбарах у мясцовыя Саветы было 49 участкаў для галасавання, то зараз – 51.

Нагадаем, што па 31 кастрычніка можна вылучаць кандыдатаў для працы ў складзе ўчастковых камісій, якія будуць утвораны да 3 лістапада.

“Праваабаронцы за свабодныя выбары”