Зьміцер Салаўёў скардзіцца ў Генеральную пракуратуру на ператрус

2010 2010-05-04T14:31:39+0300 1970-01-01T03:00:00+0300 be http://spring96.org/files/images/sources/salaujou_zm.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Праваабаронца Зьміцер Салаўёў накіраваў у Генеральную пракуратуру скаргу на дзеяньні супрацоўнікаў міліцыі, які 30 красавіка правялі ператрус у памяшканьні, якое яму належыць на праве ўласнасьці.

Ператрус праводзіўся ў межах крымінальнай справы па арт.341 КК Рэспублікі Беларусь (па факту напісаньня ў г.Наваполацку фашысцкіх надпісаў). Падчас вобшуку былі канфіскаваныя сістэмны блок кампутару, сьцягі, кнігі, плакаты, дыскі і г.д. Пры гэтым падставай для ператрусу па словах дазнавацеля Іваненка была інфармацыя нібыта аб тым, што ў дадзеным памяшканьні зьбіраецца нацыянальна сьвядомая моладзь.

Зьміцер Салаўёў паведамляе ў скарзе, што “на працягу 2008-2009 гг. я тройчы звяртаўся з заявамі да пракурора г.Наваполацка з патрабаваньнем узбудзіць крымінальную справу супраць неафашыстаў, якія размалёўвалі будынкі і збудаваньні ў г.Наваполацку фашысцкай свастыкай і лозунгамі, а таксама антысеміцкімі надпісамі. Таксама былі напады на прыналежнае мне памяшканьне: невядомыя асобы на вонкавай сцяне будынку малявалі свастыку і пашкодзілі абарончы ралет на акне. Да скаргаў былі прыкладзеныя фотаздымкі надпісаў. Прыходзілі адказы, у якіх было напісана, што ў дзеяньнях невядомых асобаў, якія малююць свастыку, няма складу злачынства. Да адміністратыўнай адказнасьці іх не прыцягнулі, бо не ўстанавілі іх асобы.”

Праваабаронца лічыць неабгрунтаваным вобшук ў памяшканьні, якое належыць яму, а той факт, што людзі, якія збіраюцца тут, размаўляюць на беларускай мове і займаюцца грамадскай дзейнасьцю, не можа быць падставай для правядзеньня ў іх вобшукаў.

Зыходзячы з вышэйпрыведзенага, Зміцер Салаўёў запатрабаваў, каб Генпракуратура Беларусі правяла праверку па факту, выкладзенаму ў дадзенай скарзе і прыняла меры па спыненьню беспадстаўнага цкаваньня людзей па моўнай прыкмеце (тых, хто размаўляе на беларускай мове) і па палітычных поглядах, а таксама накіраваць намаганьні адпаведных органаў на пошук сапраўдных злачынцаў-неафашыстаў.

3 траўня Праваабарончы цэнтр “Вясна” распаўсюдзіў адмысловую заяву, у якой заявіў рашучы пратэст і заклікаў прыпыніць неапраўданы ціск на праваабаронцу, неадкладна вярнуць канфіскаваную маёмасьць і заняцца пошукам сапраўдных злачынцаў!

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international