Адмова ў рэгістрацыі “Нашай Вясны” – сістэматычная і мэтанакіраваная дыскрымінацыя праваабаронцаў

2009 2009-03-03T20:47:00+0200 1970-01-01T03:00:00+0300 be http://spring96.org/files/images/sources/viasna.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Заява

 

2 сакавіка 2009 года Міністэрства юстыцыі Рэспублікі Беларусь прыняло рашэнне аб адмове ў дзяржаўнай рэгістрацыі Грамадскага праваабарончага аб’яднання “Наша Вясна” -- спадкаемцы ліквідаванага ўладамі Грамадскага аб’яднання “Праваабарончы цэнтр “Вясна”. 

 

Мы, заснавальнікі Грамадскага праваабарончага аб’яднання “Наша Вясна”, заяўляем, што адмова ў рэгістрацыі:

 

-- носіць неабгрунтаваны і незаконны характар;

-- з’яўляецца адкрытай праявай сістэматычнай дыскрымінацыі заснавальнікаў і сяброў арганізацыі па палітычных матывах;

-- з’яўляецца парушэннем нашага канстытуцыйнага права на свабоду асацыяцыяў;

-- парушае міжнародныя пагадненні ў галіне правоў чалавека, ратыфікаваныя Рэспублікай Беларусь;

-- сведчыць пра негатоўнасць беларускіх уладаў да правядзення сістэмных зменаў, скіраваных на далейшую лібералізацыю ў краіне.  

 

Звяртаем увагу, што рэгістрацыю Грамадскага праваабарончага аб’яднання “Наша Вясна” мы расцэньвалі як кампенсацыю дзяржавай нашага парушанага права на асацыяцыю, здзейсненага ліквідацыяй Праваабарончага цэнтру “Вясна” ў кастрычніку 2003 года. 24 чэрвеня 2007 года Камітэт па правах чалавека ААН у сваім рашэнні прызнаў парушэнне Рэспублікай Беларусь нашых правоў і пацвердзіў права на адпаведныя сродкі прававой абароны, уключаючы перарэгістрацыю арганізацыі і кампенсацыю, а таксама абавязаў беларускую дзяржаву прыняць меры па прадухіленні здзяйснення падобных парушэнняў. Сістэматычны характар дыскрымінацыі ў адносінах да нас пацвярджаецца тым, што адмову ў рэгістрацыі аб’яднання мы атрымліваем ужо другі раз: падобнае рашэнне Міністэрства юстыцыі выносіла ў верасні 2007 года.

 

Мы лічым, што адмовіўшы ў рэгістрацыі Грамадскага праваабарончага аб’яднання “Наша Вясна”, органы дзяржаўнай улады Беларусі не толькі прадэманстравалі непавагу да правоў грамадзянаў краіны, але і цынічна праігнаравалі ўзятыя на сябе міжнародныя абавязацельствы ў галіне правоў чалавека.

Заснавальнікі Грамадскага праваабарончага аб’яднання “Наша Вясна”: Алесь  Бяляцкі, Валянцін Стэфановіч, Уладзімер Лабковіч, Тацяна Рэвяка. 

 

3 сакавіка 2009 г., Мінск

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international