Максіма Дашука вызвалі пад падпіску аб нявыездзе.

2009 2009-02-25T10:00:46+0200 1970-01-01T03:00:00+0300 be http://spring96.org/files/images/sources/dashuk1.jpg
Максім Дашук. Фота  Радыё Свабода

Максім Дашук. Фота Радыё Свабода

23 лютага яго выклікалі ў РУУС Маскоўскага раёну сталіцы, дзе прад’явілі абвінавачанне ў парушэнні ўмоваў адбыцця пакарання. Гэта артыкул 415 КК, паводле якога Максіма могуць зняволіць на тэрмін ад шасці месяцаў да трох гадоў.

 

Ноч хлопец правёў у ізалятары часовага ўтрымання на Акрэсціна. З раніцы ж яго адвезлі да пракурора, які прыняў рашэнне змяніць меру ўтрымання — зняволенне на падпіску аб нявыездзе.

Пра гэта хадайнічаў нават следчы Аляшкевіч. Дзесьці а шостай вечара Максіма адпусцілі дадому.

У гутарцы з карэспандэнтам «НН» Максім Дашук прызнаўся: «Шчыра кажучы, не думаў, што арыштуюць. Быў невялікі шок. Чакаў, што ўсё абыдзецца больш‑менш нармальна».

Пра прычыны арышту хлопец сказаў: «Усе папярэджанні былі вынесеныя за тое, што не знаходзіўся ў кватэры ў патрэбны час. Мне дазвалялася выходзіць з хаты толькі дзве гадзіны на суткі, а трэба было дапамагаць маці, бо бацька памёр яшчэ ў красавіку. Працы ў мяне не было, бо непаўналетні, а таксама няма мінскай прапіскі».

Паводле Максіма яму не сказалі, калі справа можа быць накіраваная ў суд для разгляду. «Напэўна, гэта зойме 2‑3 месяцы, якія буду знаходзіцца пад хатнім арыштам», — кажа Дашук.

«Паводле гэтага артыкулу прадугледжваецца пакаранне толькі пазбаўленнем волі, таму маральна ўжо рыхтую сябе да турмы. Спадзяюся, што ўлічваючы мой узрост дадуць не больш году. Зараз, калі прыйшоў дадому, троху супакоіўся. У турме ж было страшнавата».

Нагадаем, што ў траўні Дашука асудзілі на паўтара году абмежавання волі без накіравання ў камендатуры за ўдзел у акцыі прадпрымальнікаў 10 студзеня. Ён стаў другім фігурантам «Працэсу чатырнаццаці», якога зняволілі. У бабруйскім СІЗА суду чакае Арцём Дубскі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international