Дзяніс Садоўскі атрымаў два папярэджанні
Кандыдату у дэпутаты па Мінскай Масюкоўшчынскай выбарчай акрузе №103 Дзянісу Садоўскаму акруговая выбарчая камісія за ўчорашні дзень вынесла адразу 2 папярэджанні – за заклік на сустрэчу з Аляксандрам Мілінкевічам і за распаўсюд “Народнай Волі”.
Цягам учорашняга дня Масюкошчынская выбарчая камісія г.Мінску вынесла кандыдату-сябру аргкамітэту БХД Дзянісу Садоўскаму адразу два папярэджанні. Сябры камісіі прыдраліся да улётак з заклікам на сустрэчу кандыдата з лідэрам Руху “ЗА Свабоду” Аляксандрам Мілінкевічам, а таксама да таго, што Садоўскі ў межах акругі распаўсюджваў асобнікі газэты “Народная Воля” з надрукаваным пра кандыдата інтэрвію.
Сам жа Дзяніс Садоўскі кажа, што нягледзячы на вынесеныя папярэджанні ён найдалей зьбіраецца працягваць актыўную агітацыйную кампанію дзеля данясення да людзей сваёй грамадзкай пазіцыі.
