Зьбілі сябраў ініцыятыўнай групы С.Багданкевіча

2008 2008-08-07T09:13:07+0300 1970-01-01T03:00:00+0300 be

5 жніўня ўвечары ў менскім мікрараёне Курасоўшчына былі зьбітыя кіраўнік ініцыятыўнай групы Станіслава Багданкевіча Юры Фабішэўскі і актывіст выбарчага штабу Сяргей Кастыленка.

Інцыдэнт адбыўся падчас збору подпісаў за экс-старшыню Нацыянальнага банку, ганаровага старшыню Аб’яднанай грамадзянскай партыі Станіслава Багданкевіча. Паводле Сяргея Кастыленкі, каля пад’езду да іх падышлі некалькі чалавек і пачалі пытацца, за каго тыя зьбіраюць подпісы. Нечакана адзін з мужчын накінуўся на зборшчыкаў подпісаў, завязалася бойка. У выніку ў спадара Фабішэўскага пашкоджаны твар, а ў спадара Кастыленкі — нага.

Камэнтар Станіслава Багданкевіча:

“Гэта рэпрэсіўная краіна, рэпрэсіўная дзяржава. Такое амаль штодня адбываецца ў Беларусі. У нас у нядзелю пройдзе зьезд Аб’яднанай грамадзянскай партыі. Мы будзем абмяркоўваць і гэтае пытаньне, калі падчас збору подпісаў такая сваволя адбываецца. Але ўлада адкажа, што гэта нейкія невядомыя людзі, вось і ўсё. Пра якія свабодныя выбары можа ісьці гаворка? У гэтай краіне ня можа быць нармальных выбараў”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international