Навіны на тэму: крымінальная справа Алеся Бяляцкага
22.06.2014 Злучаныя Штаты вітаюць вызваленьне Алеся Бяляцкага
Афіцыйная прадстаўніца Дзяржаўнага дэпартамэнту ЗША Джэн Псакі агучыла заяву амэрыканскага зьнешнепалітычнага ведамства ў сувязі з вызваленьнем беларускага праваабаронцы Алеся Бяляцкага.
22.06.2014 Уладзімір Някляеў абвясціў пра вызваленне Алеся Бяляцкага на свяце ў Бычках
21 чэрвеня ў вёсцы Бычкі Вушацкага раёна, на малой радзіме Васіля Быкава, адбылася ўрачыстая імпрэза ў гонар 90-х угодкаў пісьменніка. Святкаванне супала з яшчэ адной выбітной падзеяй – вызваленнем цяпер ужо былога палітвязня, праваабаронцы Алеся Бяляцкага.
13.06.2014 Аўтары індывідуальнага паведамлення, пададзенага у КПЧ ААН ад імя Алеся Бяляцкага, звярнуліся з адкрытым лістом
Аўтары індывідуальнага паведамлення, пададзенага ў Камітэт па правах чалавека ААН ад імя Алеся Бяляцкага, старшыні ПЦ "Вясна", віцэ-прэзідэнта Міжнароднай Федэрацыі за правы чалавека (FIDH), звярнуліся ў Камітэт па правах чалавека з адкрытым лістом. Антуан Бернар, Генеральны дырэктар Міжнароднай Федэрацыі за правы чалавека (FIDH), і Наталля Пінчук, жонка палітвязня Алеся Бяляцкага, просяць аб больш хуткім разглядзе Камітэтам пададзенай два гады таму скаргі.
29.05.2014 Алесь Бяляцкі пра ўкраінскі канфлікт: Каб неяк навесьці масты – мусяць працаваць няўрадавыя арганізацыі
Важную ролю ў вырашэньні грамадзянскай канфрантацыі ва Украіне праваабаронца адводзіць менавіта няўрадавым арганізацыям, якім, на яго думку, давядзецца выпраўляць наступствы “цывілізацыйнага разлому”.
27.05.2014 Алесь Бяляцкі падзякваў салігорскім праваабаронцам за маральную падтрымку
Цытуе спадар Мархотка і не зусім вясёлыя, хутчэй літаратуразнаўча-філасоўскага характару развагі зняволенага праваабаронцы: “У свой час Максім Танк спаабаваў пілаваць краты вершамі. А Алесь Гарун чакаў, пакуль іх з’есць іржа. Анатоль Сыс вышываў сабе на сэрцы “залатыя краты”. Там, дзе беларусы - там і яны. Так што - усё нармальна...”
14.05.2014 Выйшла кніга Алеся Бяляцкага “Іртутнае срэбра жыцьця” пра падзеі 2010-2011 гадоў
“Пісаць пра падзеі 2010-2011 гадоў і лёгка, бо яны, здаецца, добра-такі адбіліся ў маёй памяці, і цяжка, бо ўсё ж час няўмольна зьядае сьвежыню эмоцыяў, сотні і тысячы дробных дэталяў, якія ствараюць шматфарбную карціну жыцьця. Набягаюць новыя падзеі, новыя ўражаньні, якія адцясняюць і заціраюць старыя,” – напісаў Алесь Бяляцкі ў адным з лістоў.
02.05.2014 1000 дзён Алеся Бяляцкага
1000 дзён за кратамі знаходзіцца палітзняволены кіраўнік праваабарончага цэнтра "Вясна" Алесь Бяляцкі. Пра гэта ў інтэрвію карэспандэнту Радыё Рацыя Генадзю Барбарычу нагадала жонка палітвязня Наталля Пінчук.
30.04.2014 “1000 дзён у зняволенні: неадкладна вызваліце Алеся!”
Акцыю пад такім лозунгам правялі актывісты Amnesty International і Libereco ў Цюрыху 29 красавіка, каб нагадаць, што беларускі праваабаронца Алесь Бяляцкі знаходзіцца за кратамі ўжо 1000 дзён. Швейцарскія праваабаронцы заклікаюць да неадкладнага вызвалення усіх беларускіх палітвязняў з нагоды пачатку Чэмпіянату свету па хакеі.
21.04.2014 Гродзенскі абласны суд растлумачыў, у чым шкода ад кнігі Алеся Бяляцкага
Гродзенскі абласны суд падставай для забароны выдання называе зусім іншыя цытаты, чым сумнавядомыя эксперты В.Ягорычаў і В. Хілюта з Гродзенскага ўніверсітэта (нагадаем, вынікі абедзьвух праведзеных імі экспертыз прызнаны судом Ашмянскага раёна непрымальнымі), але высновы аднолькавыя.
16.04.2014 Алесь Бяляцкі: “…выходзяць пытанні ведання гісторыі і мовы ў народзе, людзьмі – на першы план”
Бялыніцкі журналіст Барыс Вырвіч 16 красавіка атрымаў ліст ад палітвязня, кіраўніка Праваабарончага цэнтра “Вясна” Алеся Бяляцкага, у якім Алесь распавёў пра тое, што яго зараз найбольш хвалюе.
10.04.2014 “Халоднае крыло Радзімы” – назва новай кнігі Алеся Бяляцкага
Стала вядомая назва новай кнігі Алеся Бяляцкага. “Халоднае крыло Радзімы” - так будзе называцца кніга зняволенага палітвязня Алеся Бяляцкага, якая рыхтуецца да выдання. У кнігу ўвойдуць занатоўкі, эсе, інтэрв’ю, успаміны. Такую назву абраў аўтар кнігі – зняволены праваабаронца Алесь Бяляцкі.
08.04.2014 Тэрміновы зварот Абсерваторыі з нагоды пацверджання касацыйным судом забароны кнігі Алеся Бяляцкага
Абсерваторыя па абароне праваабаронцаў выказвае сваю занепакоенасць з нагоды пацверджання рашэння аб канфіскацыі кнігі Алеся Бяляцкага на надуманых падставах і лічыць гэта сродкам далейшага абмежавання яго праваабарончай дзейнасці.
04.04.2014 Міжнародныя праваабаронцы: Журналісты мусяць сведчыць пра тое, што адбываецца ў Беларусі
Роберт Хорд, выканаўчы дырэктар Civil Rights Defenders, Майна Кіаі, спецдакладчык ААН па свабодзе сходаў і асацыяцыяў, і Маргарэт Секагія, спецдакладчык ААН па становішчы праваабаронцаў, звярнуліся да журналістаў у межах канферэнцыі “Дні праваабаронцаў”, якая праходзіць у Стакгольме: “Кожны журналіст, які прыязджае ў такую аўтарытарную краіну, як Беларусь, мусіць быць абавязаны стаць на абарону свабоды слова і паведамляць пра парушэнні правоў чалавека ў краіне”.
02.04.2014 Civil Rights Defenders абвясціла Алеся Бяляцкага Абаронцам Грамадзянскіх Правоў Года (відэа)
Кіраўнік ПЦ "Вясна" і віцэ-прэзідэнт Міжнароднай федэрацыі за правы чалавека Алесь Бяляцкі стаў лаўрэатам узнагароды "Абаронца Грамадзянскіх Правоў года". Пра гэта 2 красавіка паведаміла шведская праваабарончая арганізацыя Civil Rights Defenders.
26.03.2014 Адміністрацыя прэзідэнта: Да Лукашэнкі даведзена, што Бяляцкі кампенсаваў шкоду
Загадчык галоўнага ўпраўлення па рабоце са зваротамі грамадзян і юрыдычных асоб Станіслаў Буко запэўніў, што «А.В.Бяляцкім кампенсавана вызначаная рашэннем суда шкода, нанесеная дзяржаве», а «інфармацыя па гэтым пытанні даведзена да прэзідэнта».
