“Пікет па збору подпісаў — гэта несанкцыянаваны мітынг?” Актывіст Валер Рабцаў атрымаў буйны штраф
Актывіста Валера Рабцава пакаралі штрафам у памеры 40 базавых велічынь (1080 беларускіх рублёў).
Такое рашэнне вынес суд Заводскага раёна дзевятага чэрвеня. Суд прызнаў, што Рабцаў паўдзельнічаў у несанкцыянаваным масавым мерапрыемстве (частка 3 артыкула 23.34 КаАП) 31 траўня каля Камароўскага рынку ў Мінску. Менавіта там праводзіліся шматлікія пікеты ініцыятыўных груп альтэрнатыўных кандыдатаў.
“З якіх гэта часоў для ўладаў пікеты па зборы подпісаў у падтрымку кандыдатаў у прэзідэнты Рэспублікі Беларусь сталі несанкцыянаванымі мітынгамі? Усё рэгламентуецца выбарчым кодэксам або ў нас усё рэгламентуецца пасылам жорсткага гаранта?” – напісаў Валер Рабцаў на сваёй старонцы ў фэйсбуку.
Актывіст быў затрыманы пятага чэрвеня. Пратакол аб адміністрацыйным правапарушэнні на яго склаў старэйшы лейтэнант міліцыі Заводскага РУУС Аляксандр Бумай, а сярод сведак — супрацоўнікі органаў Максім Цюшкевіч і Мікіта Майсейчанка.
Тры дні пасля затрымання і ў чаканні суда Валер Рабцаў правёў у ЦІПе, у той час як дома застаўся непаўнагадовы сын з інваліднасцю, які знаходзіцца на яго ўтрыманні.
У панядзелак, восьмага чэрвеня, распачатае судовае паседжанне над актывістам было перанесена на дзевятага чэрвеня.
Сам Рабцаў называе складзены на яго пратакол “сфальсіфікаваным”.
![]()
Алене Лазарчык арышт замянілі на штраф, яна дзякуе ўсіх за падтрымку і салідарнасць