Праваабарончая праграма "Вясна" на Беларускім Радыё Рацыя
Кожны аўторак у 21:05 (паўтор у суботу ў 8:05) у эфіры незалежнай радыёстанцыі “Беларускае Радыё Рацыя” — праграма "Вясна", якая асвятляе падзеі, датычныя правоў чалавека.
Прэм'ера анлайн — па любых са спасылак тут.
Хроніка: Актывістам анархічнага руху Івану Комару і Мікіту Емельянаву змякчылі прысуд, але яны па-ранейшаму застаюцца палітзняволенымі. Затрыманы журналіст Сяргей Сацук. Беларуская асацыяцыя журналістаў накіравала заяву да Міністэрства аховы здароўя , у якой патрабуе неабходнасць прадастаўлення аператыўнай і дакладнай інфармацыі аб распаўсюдзе COVID-19. Дзень Волі прайшоў без затрыманняў. Скончыўся збор подпісаў пад петыцыяй аб памілаванні братоў Іллі і Станіслава Косцевых.
Каментар эксперта: Разам з праваабаронцай “Вясны” Наталляй Сацункевіч паразмаўляем пра сувязь тэмы каронавірусу і правоў чалавека (абмежаванні на права на мірныя сходы, магчымае падвышэнне выпадкаў хатняга гвалту, права на доступ да інфармацыі ды інш).
Каментар: Абмяркуем тэму каронавірусу у дачыненні да розных груп. Пра людзей з інваліднасцю і розныя сітуацыі падчас пандэміі, якія абдываліся у свеце, а таксама пра беларускі кантэкст распавядзе Сяргей Драздоўскі (дырэктар Офіса па правах людзей з інваліднасцю). Пра тое, як зменшыць небяспеку масавых захворванняў у месцах зняволення падчас сусветнай пандэміі каранавірусу, раскажа сустаршыня сацыяльна-інфармацыйнай установы “ТаймАкт” Васіль Завадскі.
У музычных паўзах — кампазіцыі ў выкананні Этна-праекта Патрыцыі Свіцінай.
