У Беларусі створана нефармальная кааліцыя меншасцяў
Кааліцыя не афармлялася пэўнымі дамовамі, але шэраг арганізацыяў ды суполак, што аб'ядноўваюць меншасці, - ад людзей з абмежаванымі магчымасцямі да прадстаўнікоў нетрадыцыйнай сэксуальнай арыентацыі - працуюць разам над стварэннем праекта антыдыскрымінацыйнага закона.
Флагманам выступае Офіс па правах людзей з інваліднасцю. Распавядае прадстаўнік Офісу і адзін з кіраўнікоў Рэспубліканскай асацыяцыі інвалідаў-калясачнікаў Сяргей Драздоўскі.
- Менавіта мы сёння пра гэта гаворым. Мы гаворым гэта ў кааліцыі з шматлікімі іншымі арганізацыямі. Таму што разумеем, што немагчыма вырашыць праблемы дыскрымінацыі ў якой-небудзь маленкай сферы без забеспячэння агульнага падыходу. Гэта немагчыма. І мы сёння выпрацоўваем сумесныя падыходы ў разуменні дыскрымінацыі, у прапановах адпаведнага заканадаўства.
Пасля дапрацоўкі і абмеркавання праект антыдыскрымінацыйнага закона, які ствараецца пры дапамозе Беларускага Хельсінскага камітэту, будзе накіраваны прадстаўнікам дзяржавы.
