Сёння ў 13.45 быў затрыманы Ігар Ходзька, - вядомы праваабаронца з Бабруйска

І. Ходзьку затрымалі супрацоўнікі міліцыі па падозранні ў здзяйсненні крымінальнага злачынства, а менавіта крадзежа. Зараз ён знаходзіцца у першым апорным пункце ГУУС Бабруйскага выканкаму.

'Гэта чарговы факт ціску на актывіста, - гаворыць юрыст Уладзімер Лабковіч. – Такія метады вельмі часта выкарыстоўваюцца міліцыяй, асабліва ў перадвыбарчы час. Ходзька - вядомы грамадскі дзяяч у сваім горадзе. На яго пастаянна ажыццяўляецца ціск, і гэты выпадак – чарговая праява гэтага ціску'.