Міліцыя затрымала сябра БНФ з афіцыйнымі ўлеткамі чатырох партыйных кандыдатаў па Менску, у тым ліку Старшыні Партыі БНФ Вінцука Вячоркі

Сёньня прыкладна ў дзьве гадзіны ночы, на ўезьдзе ў горад Менск у мікрараёне Шабаны была затрыманая машына кандыдата ў дэпутаты Менскага гарадзкога савета, сябра Партыі БНФ Сержука Карповіча разам са сваімі даверанымі асобамі. У машыне знаходзіліся афіцыйна надрукаваныя ўлёткі і плякаты чатырох партыйных кандыдатаў па Менску, у тым ліку Старшыні Партыі БНФ Вінцука Вячоркі.

Паводле словаў аднаго з затрыманых Яна Давідовіча, машына была адмыслова спыненая супрацоўнікамі міліцыі разам з ДАІ: "Супрацоўнікі, нібы ведаючы, запатрабавалі адчыніць багажнік. Пасьля гэтага ўзялі па адной кожнай ўлёткі і пэўны час раіліся. Потым нам прапанавалі праехаць у аддзяленьне міліцыі, каб "разабрацца"".

Затрыманым забаранілі карыстацца мабільным тэлефонам.