Праца "Вясны" працягваецца як і раней (відэа)
Пасля адмовы ў задавальненні касацыйнай скаргі старшыні Праваабарончага цэнтру "Вясна" Алеся Бяляцкага крымінальны прысуд Першамайскага райсуду Менску ад 24.11.2011 набыў законную сілу: 4 з паловай гады калоніі ўзмоцненага рэжыму з канфіскацыяй маёмасці. Пры гэтым перад праваабаронцамі-супрацоўнікамі арганізацыі паўстала рэальная пагроза пазбаўлення офіснага памяшкання, нягледзячы на той факт, што матэрыяльная шкода, нібыта нанесеная дзяржаве, была кампенсавана ў поўным аб'ёме.
Паколькі офіс ПЦ "Вясна" знаходзіцца ў кватэры, якая па дакументах з'яўляецца ўласнасцю Алеся Бяляцкага, то лёс яго пакуль не зразумелы: суд ні першай, ні другой інстанцыі не вызначыў, як будзе дзяліцца агульная маёмасць паміж мужам і жонкай Бяляцкімі і, адпаведна, якая частка маёмасці падлягае канфіскацыі.
Менавіта таму былі прынятыя адпаведныя меры, каб захаваць неабходнае і каштоўнае абсталяванне для далейшай працы арганізацыі на выпадак арышту офіснага памяшкання, але пакуль "Вясна" застаецца па старым адрасе і аказвае дапамогу ў звычайным рэжыме.
Як кажа супрацоўніца арганізацыі Наста Лойка: "Мы будзем да апошняга знаходзіцца тут"
Таксама па тэме:
“Вясна”: паўгода без Алеся Бяляцкага
“Вясна” ні на хвіліну не спыніць сваю працу!
