Цянюту нагадалі пра артыкул 193-1 Крымінальнага кодэксу
23 сакавіка ваеннаслужачага і актывіста "Маладога фронту" Андруся Цянюту выклікалі ў Віцебскі адзьдзел вайсковай контрвыведкі. Яго афіцыйна папярэдзілі аб недапушчальнасці дзейнасьці ад імя незарэгістраванай арганізацыі “Малады фронт” і пра крымінальную адказнасьць па артыкуле 193.1 Крымінальнага кодэксу. Яму таксама пагражалі адказнасьцю за ўцягваньне моладзі у актыўную дзейнасьць у незарэгістраваных арганізацыях.
Папярэджаньне вынес Сяргей Чарткоў, намесьнік начальніка вайсковай контрвыведкі Віцебскага гарнізона.
Нагадаем, што ў Андруся Цянюты праз некалькі дзён завяршаецца тэрмін вайсковай службы. 28 сакавіка ён стане цывільным чалавекам і манавіта гэты факт вымусіў спецслужбоўцаў прыняць прафілактычныя меры, каб запалохаць “маладафронтаўца”.
