Міхалевіча перавялі на Валадарку

Арыштаваны кандыдат у прэзідэнты Алесь Міхалевіч пераведзены са следчага ізалятара КДБ у ізалятар Міністэрства ўнутраных спраў на вуліцы Валадарскага ў Мінску.

Жонка Міхалевіча Мілана не ведае, з чым гэта звязана:

- Гэта яшчэ не пацверджана дакладна, але, здаецца, гэта адбылося яшчэ ў першай палове дня. Лагічна было б, калі б усе ўтрымліваліся ў СІЗА на вул. Валадарскага. Таму што справа фармальнае падпадае пад ГУУС Мінгарвыканкама а не пад Камітэт дзяржаўнай бяспекі.

Жонку Алеся Міхалевіча непакоіць, што гэта пагоршыць умовы ўтрымання мужа – у так званай “Валадаркі” рэпутацыя установы, вельмі непрыстасаванай да жыцця.