27 снежня адбыўся другі допыт Віталя Рымашэўскага
Віталь Рымашэўскі
У панядзелак, 27 снежня, з былым кандыдатам у прэзідэнты Віталем Рымашэўскім другі раз змог сустрэцца яго адвакат. Стан здароўя Віталя здавальняючы, нягледзячы на пэўныя праблемы. Ён трымаецца мужна, цвёрда стаіць на сваёй пазіцыі, што акцыя была мірная і ён зрабіў усё, што ад яго залежала, каб прадухіліць правакацыі, звязаныя з біцьцём шкла ў доме ўрада, паведаміла прэс-служба БХД.
Таксама стала вядома, што ў сераду ў 9-30 раніцы павінна адбыцца судовае паседжаньне, на якім будуць разглядацца скаргі адвакатаў усіх затрыманых у КДБ, зьвязаныя са зьмяненьнем меры стрыманьня ў выглядзе ўтрыманьня пад вартай. Адвакат Рымашэўскага таксама падаў скаргу на зьмяненьне меры стрыманьня на падпіску аб нявыездзе. Ён упэўнены, што падпіскі аб нявыездзе будзе цалкам дастаткова для працягненьня расьследаваньня.
