Мужчыну накіравалі на прымусовае лячэнне за каментары пра Лукашэнку
Другога лютага ў судзе Ляхавічаў і Ляхавіцкага раёна вынесены прысуд мясцоваму жыхару Сяргею Аўдзееву. Суддзя Наталля Буднік прызнала яго вінаватым паводле арт. 368 Крымінальнага кодэксу і агучыла вырак: прымусовае лячэнне ў стацыянары.
Абвінавачанне было ўпэўненая, што цягам 2020-2021 гадоў Аўдзееў пакідаў у сацсетках каментары, якія абражалі Лукашэнку. Яно палічыла каментары "грамадска небяспечнай дзеяй".
Судовая псіхіятрычная экспертыза выявіла, што мужчына пакутуе на псіхічнае захворванне, праз якое не мог разумець характар і грамадскую "небяспеку" сваіх дзеянняў.
Жыхара Маладзечна накіравалі на прымусовае лячэнне за абразу Лукашэнкі ў сацсетках
Інтарэсы абвінавачанага ў судзе бараніла законная праўстаўніца, Зінаіда Бароўская, ягоная маці.
Брэсцкая "Вясна" адзначае, што абарона Аўдзеева яшчэ сёмага кастрычніка 2022 года абскардзіла ў судзе ўтрыманне мужчыны альбо пад "хатнім арыштам", альбо ў судова-псіхіятрычным стацыянары. Вынікі абскарджвання невядомыя.
