За жартоўную дыскусію ў тэлеграм-каналах - восем год і адзін месяц калоніі Дапоўнена

2021 2021-03-15T17:35:25+0300 2021-03-15T17:43:21+0300 be https://spring96.org/files/images/sources/viarbicki-sud-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Іван Вярбіцкі. Фота: "Рэгіянальная газета".

Іван Вярбіцкі. Фота: "Рэгіянальная газета".

У судзе  Смаргонскага раёна 15 сакавіка вынесены прысуд па  крымінальнай справе, заведзенай  на жыхара Гальшанаў Івана Вярбіцкага.

Яго абвінавацілі адразу па некалькіх сур’ёзных артыкулах: падбухторванне да акта тэрарызму, незаконныя набыццё, захоўванне боепрыпасаў і выбуховых рэчываў, а таксама знішчэнне афіцыйных дакументаў.

Справу разглядае суддзя Людміла Пятрова, дзяржаўны абвінаваўца – пракурор Сяргей Кавальчук.

Як паведамляла пракуратура Ашмянскага раёна, згодна з матэрыяламі справы 14 кастрычніка 2020 года ў мэтах дэстабілізацыі грамадскага парадку грамадзянін размясціў у адной з груп Telegram-канала тэкставыя паведамленні, у якіх утрымліваліся заклікі да пашкоджання «кактэйлямі Молатава» будынка КДБ і падпалу пракуратуры Ашмянскага раёна.

У гэты ж дзень і ў тым жа Telegram-чаце пад нікам «Dimon D» ён размясціў паведамленне з заклікамі да пашкоджання і знішчэння маёмасці супрацоўнікаў праваахоўных органаў шляхам падпалу транспартных сродкаў, якія належаць ім.

«Заўтра ідзём штурмаваць мясцовы КДБ». У Смаргоні пачаўся суд над гальшанскім “тэрарыстам”

Пасля вывучэння матэрыялаў крымінальнай справы ў пракуратуры Ашмянскага раёна прыйшлі да высновы аб абгрунтаванасці абвінавачвання, поўным і аб'ектыўным даследаванні абставінаў злачынстваў, пагадзіліся з прававой кваліфікацыяй зробленага паводле ч. 5 арт. 16 і ч. 2 арт. 289, ч. 1 арт. 377, ч. 2 арт. 295 Крымінальнага кодэкса.

 15 сакавіка з апошнім словам выступіў Іван Вярбіцкі. Ён прызнаў віну толькі у пашкоджанні пастановы на вобшук.

Таксама прапанаваў суду ўзбудзіць у сваю чаргу крымінальную справу супраць дзяржаўнага абвінаваўцы Сяргея  Кавальчука.

Пракурор прасіў дзевяць з паловай гадоў калоніі

Вырак суда: за падбухторванне да акта тэрарызму (частка 1 артыкула 289 КК)- 8 гадоў калоніі;

за знішчэнне  пастановы на ператрус (частка 1 артыкула 377 КК) - 2 месяцы калоніі,

Па артыкуле 295 КК (Незаконныя дзеянні ў дачыненні да агнястрэльнай зброі, боепрыпасаў і выбуховых рэчываў) - апраўданы.

Канчатковае пакаранне - 8 гадоў і 1 месяц калоніі ўзмоцненага рэжыму.

Апошнія навіны

Партнёрства

Сяброўства