viasna on patreon

"Я на такой пасадзе, што не павінен мець сваіх думак". Допыт сведак па справе скідзельскіх мастакоў

2021 2021-02-11T18:33:50+0300 2021-02-11T18:40:29+0300 be https://spring96.org/files/images/sources/paltavec.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Крысціна Палтавец і Андрэй Апанасовіч. Фота "Гарадзенская вясна".

Крысціна Палтавец і Андрэй Апанасовіч. Фота "Гарадзенская вясна".

11 лютага ў судзе Гарадзенскага раёну прадоўжыўся разгляд крымінальнай справы жыхароў Скідзеля  Крысціны Палтавец і Андрэя Апанасовіча.

Абодвух вінавацяць паводле артыкулу 341 КК РБ (Апаганьванне збудаванняў і псаванне маёмасці). 

Справу разглядае старшыня Гарадзенскага раённага суду Ганна Чылека. Дзяржабвінаваўцай выступае пракурор Марына Цярэшка.

У першы дзень суд дапытаў абвінавачаных і заслухаў пракурора.

Па інфармацыі "Гарадзенскай вясны", 11 лютага ў суд былі выкліканы сведкі. 6 з іх з'явіліся ў суд і далі свае паказанні. Гэта былі прадстаўнікі розных дзяржаўных установаў і арганізацый, аб'екты якіх "пацярпелі" ад мастацкай рукі Крысціны Палтавец. 

Усе сведкі расказвалі пры якіх абставінах былі выяўлены малюнкі на розных аб'ектах і якім чынам яны зафарбоўваліся. Ніякіх прэтэнзій да абвінавачаных сведкі не мелі.

Некаторыя пытанні пракурора былі скіраваныя на "палітызацыю" дзеянняў абвінавачаных. Адзін з дапытаных заявіў наступнае: "Я в такой должности, что не должен иметь своих мыслей".

Пасля апытання сведак былі даследаваныя пісьмовыя матэрыялы справы, іх зачытала пракурор. 

У канцы паседжання суддзя пастанавіла абвесціць перапынак для магчымага выкліку іншых сведак і для падрыхтоўкі да судовых спрэчак.

Наступнае паседжанне прызначана на 10.00 17 лютага.

“Цынічная выява ў выглядзе бусла" і эстэтыка платоў. Суд над скідзельскай мастачкай і яе памочнікам

Пачынаючы з канца жніўня і да 21 снежня 2020 года мастачка Крысціна Палтавец у розных месцах Скідзеля, а таксама на прыпынках і мастах Гарадзенскага раёну, у вёсках і мястэчках выконвала мастацкія малюнкі з рознымі выявамі.

Апошнія навіны

Партнёрства

Сяброўства