viasna on patreon

Праваабарончая праграма "Вясна" на Беларускім Радыё Рацыя

2021 2021-02-09T15:41:29+0300 2021-02-23T23:10:39+0300 be https://spring96.org/files/images/sources/spring-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Кожны аўторак у 21:05 (паўтор у суботу ў 8:05) у эфіры незалежнай радыёстанцыі “Беларускае Радыё Рацыя” — праграма "Вясна", якая асвятляе падзеі, датычныя правоў чалавека. 

Прэм'еру ў эфіры анлайн можна паслухаць на сайце Беларускага Радыё Рацыя па любых са спасылак тут, альбо тут.

Анонс праграмы на 9 лютага:

Хроніка: Паглядзім на статыстыку адміністрацыйных рэпрэсій, а таксама скіруем увагу на некалькі гісторый пераследу: 75-гадовага Анатоля Куліка асудзілі за вопратку, у распаўсюдніцы “Витебского вестника” Таццяны Юхо з дому канфіскавалі тры шарыкі: два белых і адзін чырвоны, а ДФР абрынуўся на Офіс па правах людзей з інваліднасцю і яго супрацоўнікаў — Сяргея Драздоўскага і Алега Граблеўскага.

Крымінальны пераслед: Як жорсткія прысуды мяняюць лёсы людзей і дзе сярод гэтага жыве каханне? У рубрыцы пачуем некалькі гісторый:

  • як слухачы ўспрынялі апошняе слова блогера Паўла Спірына,
  • як судзілі Івана Канявегу, якому яго дзяўчына Таццяна зрабіла прапанову аб шлюбе падчас вынясення прысуду,
  • як дзяржава разлучыла Івана Зубко з яго грамадзянская жонкай Рэнатай Смірновай,
  • што будзе з Аляксеем Губічам, якога адправілі ў калонію, а ён там можа аслепнуць,
  • якія дэталі маглі б стаць апраўдальнымі — але не сталі ў працэсе над Арцёмам Ісакавым?

Па-за межамі: Трэцяга лютага з Грузіі было даслана 100 канвертаў беларускім палітвязням. Ці дайдуць яны? І якім чынам можна напісаць палітвязню, калі вы знаходзіцеся не ў Беларусі? Пра ўсё гэта — у размове з праваабаронцай "Вясны" Дар’яй Рублеўскай.

У музычных паўзах — падборка кампазіцый з tuzin.fm у выкананні: Autonomicon, МІП-бэнд, Ворона, Мама.

https://spring96.org/wp-content/uploads/2016/03/2021-02-09_Eva_VIASNA_AN.mp3

Апошнія навіны

Партнёрства

Сяброўства