Два гады абмежавання волі і 2 000 рублёў кампенсацыі: так скончыўся суд над Дзяшчэняй за знявагу прадстаўніка ўлады
Суд Мінскага раёна 1 лютага вынес прысуд па крымінальнай справе Аляксандра Дзяшчэні. Яго абвінавацілі у абразе прадстаўніка ўлады (арт. 369 Крымінальнага кодэксу).
Справу разглядала суддзя Алена Новікава. Дзяржаўны абвінаваўца – пракурор Фаміна.
З матэрыялаў следства вядома, што 20 верасня Дзяшчэня наўмысна, з дапамогай тэлефона размясціў у суполцы газеты "Радзіма" ў ВКонтакте паведамленне зневажальнага характару, з выкарыстаннем ненарматыўнай лексікі.
Пацярпелы - супрацоўнік міліцыі Павел Курс вылучыў матэрыяльную прэтэнзію ў памеры 3 000 рублёў за маральныя пакуты.
На папярэднім судовым пасяджэнні Дзяржаўны абвінаваўца запрасіў для Аляксандра Дзяшчэні два гады абмежавання волі без накіравання ва ўстановы адкрытага тыпу.
![]()
“Хацеў каб газета пісала праўду пра палітычныя падзеі”. Суд за знявагу супрацоўніка міліцыі
Суддзя Алена Новіка вынесла прысуд: два гады абмежавання волі без накіравання ва ўстановы адкрытага тыпу. Апроч гэтага Дзяшчэня павінен выплаціць пацярпеламу 2 000 рублёў кампенсацыі маральнай шкоды. Арышт на тэлевізар, тэлефон і мікрахвалёўку пакінуць у сіле.