Два гады “хіміі” за абразу службовай асобы. Вынесены прысуд палітвязню Кулакоўскаму

2021 2021-01-22T16:52:37+0300 2021-01-22T18:24:48+0300 be https://spring96.org/files/images/sources/kulakouski_vyzvalenne.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У судзе Маскоўскага раёна горада Мінска суддзя Пірожнікава агучыла прысуд ў дачыненні да Дзмітрыя Кулакоўскага. Яго прызналі вінаватым у публічнай абразе службовай асобы ў сувязі з выкананнем ёй службовых абавязкаў (артыкул 369 КК РБ)  і прызначылі абмежаванне свабоды з накіраваннем у пасяленне адкрытага тыпу тэрмінам на два гады (менавіта столькі запатрабаваў пракурор). Меру стрымання змянілі на падпіску аб нявыяздзе — таму Кулакоўскага адпусцілі з пад-варты адразу пасля вынясення прысуду.

kulakouski_vyzvalenne.jpg
Дзмітрый Кулакоўскі пасля абвяшчэння прысуду

Акрамя таго, Кулакоўскі павінен сплаціць матэрыяльную кампенсацыю маральнай шкоды пацярпеламу — старэйшаму оперупаўнаважанаму Смоляру памерам у 1000 беларускіх рублёў. А грошы, якія разам з іншымі рэчамі Кулакоўскага забралі пры затрыманні (каля 300 еўра), звярнуць у кошт гэтага маральнага іска. Ні пацярпелы, ні іншыя сведкі па гэтай справе (супрацоўнікі міліцыі) ні разу не прыйшлі на судовыя паседжанні (негледзячы на хадайніцтвы адвакаткі).

Дзмітрый Кулакоўскі быў затрыманы 4 снежня 2020 года пры спробе выехаць за мяжу. З гэтага часу ён знаходзіўся пад вартай. Тэрмін яго знаходжання пад вартай залічылі ў тэрмін абмежавання волі (адзін дзень пад вартай роўны двум дням адбыцця пакарання).

Дзмітрый распавёў, што за час яго знаходжання пад вартай яго ні разу не выводзілі на прагулкі і сёння, калі яго выпусцілі з залі суда, ён “упершыню за гэты час убачыў светавы дзень”.

Таксама Кулакоўскі адзначыў, што яму не давалі неабходныя лекі, і менавіта таму у яго зараз дыябет першага тыпу (раней ён хварэў на дыябет другога тыпу).

Дзмітрый падкрэсліў, што яго справа сфабрыкаваная, бо яго пераследуюць за звальненне з пасады начальніка крымінальнага вышуку Заводскага РУУС горада Мінска з-за жнівеньскіх падзей. Ён будзе абскарджваць рашэнне суда.

"Справа сфабрыкаваная", а пацярпелы і сведкі — на самаізаляцыі. Пачаўся суд над палітвязнем Кулакоўскім

20 студзеня пачаўся разгляд крымінальнай справы ў дачыненні да палітычнага зняволенага Дзмітрыя Кулакоўскага. Ён абвінавачваецца па артыкуле 369 КК РБ (абраза прадстаўніка ўлады). Кулакоўскага даставілі ў суд пад канвоем .

Подпісы панятых не супадаюць, а хадайніцтвы абароны адхіляюцца. Другі дзень судовага працэсу над палітвязнем Кулакоўскім

21 студзеня прадоўжыўся разгляд крымінальнай справы паводле артыкула 369 КК РБ (Абраза прадстаўніка ўлады) у дачыненні да былога начальніка крымінальнага вышуку Заводскага РУУС горада Мінска, а зараз — палітычнага зняволенага Дзмітрыя Кулакоўскага.

Апошнія навіны

Партнёрства

Сяброўства