Праваабарончы цэнтр «ВЯСНА»

Навіны за Кастрычнік 2011

27.10.2011 З’явіўся законапраект, які ўводзіць штраф за доступ да забароненых сайтаў

Памер штрафу складзе ад 350 тысяч да мільёна рублёў. Яго ўжо прыняла Палата прадстаўнікоў.

27.10.2011 Судзяць удзельнікаў учорашняй акцыі салідарнасьці (аднаўляецца)

Мікіту Каваленку – 10 сутак арышту, Аляксандру Вялітчанку – 15 сутак, Сяргею Лыскову. - 10 сутак.

27.10.2011 Барысаў: Аляксандра Малчанава арыштавалі на 10 сутак

У 10:30 раніцы 27 кастрычніка ў судзе Барысаўскага раёна пачалося паседжанне ў дачыненні палітвязня Аляксандра Малчанава. У якасці сведкі была апытаная маці Аляксандра. Потым высветлілася, што на паседжанне не з'явіўся міліцыянт, які павінен выступіць як сведка.

27.10.2011 Брэст: акцыя ў падтрымку палітвязняў прайшла без затрыманняў

Увечары 26 кастрычніка ў цэнтры Брэста на вуліцы Савецкай сабраліся людзі з партрэтамі Андрэя Саннікава, Мікалая Статкевіча, Паўла Севярынца і Зміцера Дашкевіча, каб нагадаць гараджанам пра палітвязняў. Мерапрыемства працягвалася прыблізна 15 хвілін і скончылася без затрыманняў.

27.10.2011 “Паляваньне” на палітвязьня па-барысаўску

На палітвязьня Аляксандра Малчанава, памілаванага 14 верасьня, барысаўскія сілавікі распачалі сапраўднае паляваньне; верагодна незалежны характар і няскоранасьць актывіста замінаюць праваахоўнікам спакойна змагацца са злачыннасьцю ў раёне.

27.10.2011 Гомель: Іллю Міронава сёння будуць судзіць

Учора сябры не маглі даведацца, куды павезлі маладога чалавека, бо ва ўсіх гарадскіх аддзелах міліцыі быў адказ, што такога затрыманага ў іх няма. І толькі каля 23:00 дзяжурны ІЧУ пацвердзіў, што Ілля Міронаў знаходзіцца там «за здзяйсненне адміністратыўнага правапарушэння».

27.10.2011 Вярхоўны суд не задаволіў скаргу актывіста з Астравеччыны на будаўніцтва АЭС

Грамадскі актывіст з Астравеччыны Мікалай Уласевіч атрымаў адмову ў адказ на сваю скаргу ў Вярхоўны суд аб прызнанні ўказу прэзідэнта №418 “Аб размяшчэнні і праектаванні атамнай станцыі ў Беларусі” не адпавядаючым Канстытуцыі.

27.10.2011 Барысаў: Выканкамаўская газета ўтойвае факт забастоўкі

Нумар выканкамаўскай газеты "Адзiнства" (№ 67 (13822), які выйшаў 26 кастрычніка, расчараваў жыхароў горада і раёна: у ім ні словам не згадваецца пра страйк работнікаў спецаўтагаспадаркі і "Зелянбуда" УП "Жыллё". Па ўсёй бачнасці, інфармацыя стала "сакрэтнай" па адной прычыне.

27.10.2011 Генпракуратура зноў «узялася» за журналістаў?

Адразу тры незалежныя журналісты атрымалі позвы ў Генеральную пракуратуру Рэспублікі Беларусь.

27.10.2011 У Гомелі 26 кастрычніка затрыманы актывіст Ілля Міронаў

Актывіста затрымалі, калі ён сыходзіў з працы.

26.10.2011 Затрыманьні на Кастрычніцкай плошчы становяцца больш жорсткімі

У Ленінскі РУУС Менска былі дастаўленыя чатыры ўдзельнікі чарговай акцыі салідарнасьці з палітвязьнямі, якая так і не пасьпела адбыцца на Кастрычніцкай плошчы сталіцы 26 кастрычніка.

26.10.2011 Абсерваторыя па абароне праваабаронцаў: “Незаконны ціск на беларускія грамадзянскую супольнасць і незалежныя СМІ працягваецца”

“У 2010-2011 гадах працоўнае асяроддзе праваабаронцаў засталося вельмі рэпрэсіўным, і сітуацыя яшчэ болей пагоршылася пасля снежаньскіх выбараў”, адзначаецца ў штогадовай справаздачы Абсерваторыі па абароне праваабаронцаў, якая была прэзентаваная пад час прэс-канферэнцыі 24 кастрычніка ў Нью-Йорку.

26.10.2011 Праваабаронца Целяпун VS суддзя Загароўская: ці быць пікету?

Уладзімір Целяпун 19 кастрычніка падаў у Мазырскі раённый суд скаргу на адмову Мазырскага райвыканкама ў правядзенні масавага мерапрыемства - пікетавання ў абарону віцэ-прэзідэнта Міжнароднай Федэрацыі за правы чалавека Алеся Бяляцкага і ўсіх палітзняволенных у Беларусі. Скаргу будзе разглядаць намесніца старшыні суда Валянціна Загароўская, якая ўжо мае досвед разгляду скаргаў праваабаронцы.

26.10.2011 У Магілёве будуць судзіць Уладзіміра Шанцава

26 кастрычніка кіраўнік Магілёўскай абласной арганізацыі Аб’яднанай Грамадзянскай партыі Уладзімір Шанцаў быў выкліканы ў Ленінскі РАУС у якасці сведкі па справе арганізацыі Народнага сходу ў горадзе. Аднак пасля з’яўлення ў міліцыю яго перавялі ў статус абвінавачанага.

26.10.2011 Суд аштрафаваў Івана Бедку на 40 базавых велічынь

Сёння, 26 кастрычніка, у судзе Слонімскага раёна, адбыўся суд над кіраўніком слонімскай суполкі БХД Іванам Бедкам, які прымаў удзел у Народнымі сходзе.