Праваабарончы цэнтр «ВЯСНА»

Навіны за 6 кастрычніка 2011

06.10.2011 Кульбіты мазырскіх чыноўнікаў

Сёння, 6 кастрычніка, праваабаронца ўрэшце атрымаў выпіску з рашэння райвыканкама пра заключэнне дамоваў з адпаведнымі службамі і накіраваўся да начальніка Мазырскага РАУС Пятра Зыкуна. Той зняў копію і сказаў, што будзе рабіць пісьмовы запыт у райвыканкам, каб цалкам азнаёміцца з гэтым рашэннем райвыканкама ("я могу десятки таких ответов и выписок наделать...").

06.10.2011 Праваабаронцы і дэмактывісты Брэста дамагліся грамадскага абмеркавання генплана горада

Гарадскія ўлады вымушаны былі прызнаць паспешлівасць свайго рашэння (ужо 28 верасня з'явілася інфармацыя, што скарэктаваны генплан узгоднены ва ўсіх установах на мясцовым узроўні і па ім адбыліся “грамадскія слуханні”) і 5 кастрычніка абвесцілі, што грамадскае абмеркаванне будзе працягнута да канца гэтага месяца.

06.10.2011 Полацк: калі ласка, на дактыласкапію

Арганізатара Народнага сходу ў Полацку актывіста Віктара Калесніка выклікаюць 7 кастрычніка ў ГАУС для праходжання дактыласкапіі. Позву пад роспіс атрымала маці Віктара, калі той знаходзіўся ў ад'ездзе.

06.10.2011 Бабруйск: Усіх на футбол - прымусова

"Нам сказалі адразу, ніякіх выходных, ніякіх справак ад лекараў, - распавёў навучэнец вучылішча нафтахіміі. – Нават іншагароднім нельга дахаты паехаць. Тыя, хто не будзе прымаць непасрэдны ўдзел у спаборніцтвах, усё адно павінныя прысутнічаць на турніры ў якасці “заўзятараў”.

06.10.2011 Ян Мельнікаў арыштаваны на 5 сутак за ўлёткі пра Народны сход

Увечары 5 кастрычніка, падчас раздачы улётак пра Народны сход на прахадной Мінскага аўтамабільнага заводу (МАЗ) быў затрыманы актывіст Ян Мельнікаў. Сёньня суд Завадскога раёну горада Мінска асудзіў яго на 5 сутак арышту.

06.10.2011 У Мінску затрыманы кіраўнік НІСЭПД Алег Манаеў

Алега Манаева затрымалі ў раёне плошчы Перамогі ў Менску. Пра гэта паведаміў адзін з экспэртаў НІСЭПД Аляксандар Сасноў. Спадар Манаеў толькі пасьпеў сказаць, што шукаюць наркотыкі і зброю. Пасьля гэтага яго адвезьлі ў невядомым кірунку.

06.10.2011 Рабочыя “Магілёўхімвалакно” баяцца падпісвацца за ініцыятывы “Гавары праўду!”

“Падчас збору подпісаў пад ініцыятывай за зніжэнне цэнаў у крамах на 20% на прыпынках каля ААТ ”Магілёўхімвалакно” я сутыкнуўся з праблемай – рабочыя прадпрыемства спрэс адмаўляліся ставіць свае подпісы, хаця на словах падтрымлівалі маю ініцыятыву”, - гаворыць актывіст кампаніі Аляскей Паўлоўскі.

06.10.2011 Баранавіцкага актывіста Віктара Цяпіна аштрафавалі

6 кастрычніка ў Баранавічах адбыўся разгляд адміністратыўнай справы сябра аргкамітэта па падрыхтоўцы і правядзенні мясцовага схода Віктара Цяпіна. Ён абвінавачваўся ў парушэнні парадку арганізацыі і правядзення масавага мерапрыемства. Суддзя Аксана Сарахман прысудзіла актывісту штраф у памеры 875 тысяч рублёў.

06.10.2011 Міліцыя зачынена, усе сышлі на танцы

Колькі міліцыянтаў патрабуецца для аховы пікету з трох чалавек? Зразумела, з лішкам б хапіла і аднаго. Таму адказ начальніка ГАУС, атрыманы праваабаронцамі, варта літаральна разумець так: у дні моладзевых дыскатэк гарадская міліцыя не ў стане знайсці нават аднаго супрацоўніка для аховы. Усе - на дыскатэках і ў загадкавых месцах масавага адпачынку ў восеньскую пару.

06.10.2011 Зьміцера Шурхая зьнялі зь цягніка ў Баранавічах

Каардынатара аргкамітэту стваранай партыі БХД Зьміцера Шурхая зьнялі з цягніка ў Баранавічах супрацоўнікі міліцыі і спэцслужбаў.

06.10.2011 Дэкларацыя ў падтрымку Алеся Бяляцкага падпісана ў ПАРЭ

Па ініцыятыве кіраўніка дэлегацыі парламента Эстоніі ў ПАРЭ, і на дадзены момант дакладчыка па Беларусі Андрэса Херкеля ў ПАРЭ складзеная пісьмовая дэкларацыя ў падтрымку А. Бяляцкага,якую падпісалі дзесяткі сябраў парламентаў з усіх парламенцкіх фракцый і краін Рады Еўропы.

06.10.2011 Гавэл далучыўся да камітэту ў падтрымку Бяляцкага

Палітык Вацлаў Гавэл пагадзіўся далучыцца да Міжнароднага камітэту ў падтрымку вылучэньня арыштаванага праваабаронцы Алеся Бяляцкага на Нобэлеўскую прэмію міру 2012 году.

06.10.2011 У Магілёве міліцыянты дапыталі актывіста “Гавары праўду!”

Супрацоўнікі міліцыі дапыталі актывіста кампаніі “Гавары праўду!” Андрэя Двігуна. Нагодай для выкліка ў міліцыю стала затрыманне іншага актывіста кампаніі, Антона, падчас распаўсюду ўлётак “Зратуем Беларусь”. Маладзён паведаміў міліцыі, што ўлёткі атрымаў ад Андрэя Двігуна.

06.10.2011 Барысаў: спартыўнае свята побач з Народным сходам

Народны сход у Барысаве запланаваны на пляцоўцы за гарадскім стадыёнам. Каб не дапусціць удзелу ў ім падлеткаў, у суботу для вучняў 8-9 класаў на стадыёне будзе арганізавана агульнагарадское спартыўнае свята. Вучняў 10-11 класаў вырашана ў гэты час прыцягнуць да грамадска-карыснай працы на тэрыторыях школ. Прапанавана прыцягнуць і да свята, і да работ бацькоў школьнікаў.

06.10.2011 Колькі ў Беларусі палітвязьняў

Апазыцыйныя палітыкі і праваабаронцы на сумеснай сустрэчы ў сядзібе АГП падлічылі, што ў Беларусі адбываюць турэмнае пакараньне 14 асобаў, прысуды якім палітычна матываваныя. Але толькі 11 зь іх прызнаныя палітвязьнямі.