Праваабарончы цэнтр «ВЯСНА»

Навіны за 8 кастрычніка 2011

08.10.2011 У Глыбокім журналіст Зміцер Лупач правёў тры гадзіны ў пастарунку

Ніякай імпр’зы ў Глыбокім не планавалася, ідэя раздаваць улёткі на мясцовым кірмашы належыць мясцовым актывістам, якія і склалі тэкст са зваротам да суграмадзян. Амаль сотню такіх улётак у Змітра Лупача канфіскавалі міліцыянты.

08.10.2011 Народны сход: надзеі і трывогі

16-00 З Савецкага РАУС г. Менска выпусцілі 12 затрыманых. Пратаколы аб праваапарушэннях не складаліся. У затрыманых узялі адбіткі пальцаў. Таксама ўсіх затрыманых выпусцілі з пастарунку ў Гомелі - пратаколы на іх не складаліся.

08.10.2011 На месцы Народнага сходу ў Вялейцы адбыўся імправізаваны канцэрт

Незадоўга да пачатку Народнага схода ў Вялейцы з месца яго правядзення – цэнтральнай танцпляцоўкі – раптам пачалі гучаць песні. Уваход на танцпляцоўку пільнавалі міліцыянты і мужчыны ў цывільным.

08.10.2011 На мяжу вярнуліся “чорныя спісы”?

Сёння, 8 кастрычніка, каля 16.30 на гарадзенскім чыгуначным вакзале памежнікі забралі пашпарты ў праваабаронцы Віктара Сазонава і журналіста Яна Романа, якія вярталіся дамоў з Беластоку. Прычыны такога пільнага кантролю ім не патлумачылі.

08.10.2011 Арганізатары Народнага сходу ў Оршы былі затрыманыя міліцыяй, але акцыі гэта не перашкодзіла

Прыкладна за паўгадзіны да пачатку Народнага сходу ў Оршы міліцыяй былі затрыманыя Старшыня аргкамітэта па ягоным правядзенні 79-гадовы Мінай Карніенка, а таксама двое сяброў аргкамітэту Мікалай Дзямідаў і Леанід Цвяткоў.

08.10.2011 Сход у Салігорску скончыўся гутаркай з падпалкоўнікам

Вольна пакінуць пляцоўку каля стадыёну атрымлівалася не ў кожнага. У некаторых прысутныя супрацоўнікі міліцыі перапісвалі пашпартныя дадзеныя, а іншых суправаджалі на гутарку з падпалкоўнікам міліцыі Крывальцэвічам. Сярод апошніх апынуліся маладафронтавец Андрусь Тычына і сябра Беларускага Хельсінскага камітэту Аляксей Валабуеў.

08.10.2011 Старшыню Быхаўскай арганізацыі Партыі БНФ дастаўлялі ў міліцыю

8 кастрычніка старшыню Быхаўскай раённай арганізацыі партыі БНФ Сяргея Антонава выклікалі у мясцовы РАУС. Яму патэлефанавалі з райаддзела і прапанавалі прыбыць для тэрміновай гутаркі.

08.10.2011 Баранавічы: мясцовы сход адбыўся без затрыманняў

Выступоўцы патрабавалі спыніць пераслед Аўчыннікава Сяргея, Цяпіна Віктара, Мезяка Віктара, Камбалаву Анжэлу – арганізатараў і ўдзельнікаў правядзення мясцовых сходаў. Удзельнікі сходу прынялі рэзалюцыі і выбралі ўпаўнаважаных, якія ўручаць гэты дакумент прадстаўнікам улады.

08.10.2011 У Бабруйск у быў затрыманы сябра аргкамітэта Народнага схода

Прыкладна на пятай хвіліне схода сябра аргкамітэта Віктар Бузінаеў пачаў зачытваць петыцыю. У гэты ж момант яго схапілі супрацоўнікі міліцыі і зацягнулі ў мікрааўтобус. Кіраваў “аперацыяй” Сяргей Малішэўскі, які быў апрануты ў цывільнае.

08.10.2011 У Слоніме затрыманы Іван Бедка

Сход адкрыў кіраўнік слонімскай суполкі БХД Іван Бедка. Як толькі ён пачаў выступленне, усе асобы ў цывільным пачалі падыходзіць да ўдзельнікаў, а потым спынілі выступленне, матывуючы гэта тым, што сход у парку райвыканкамам не дазволены. Акцыя была спынена, а Івана Бедку затрымалі і прывязлі ў РАУС.

08.10.2011 Чыгуначны райсуд Віцебску адмовіў праваабаронцу Леаніду Свеціку

Спадар Свецік звярнуўся ў суд пасля таго, як галава адміністрацыі Чыгуначнага раёну Юры Маскалёў забараніў яму правесьці пікет у падтрымку Алеся Бяляцкага, запланаваны на 22 жніўня. Суддзя Раман Дзягода палічыў аргументы праваабаронцы “неабгрунтаванымі” і не задаволіў ніводнага з заяўленых патрабаванняў.

08.10.2011 У Слоніме адмоўлена ў правядзенні пікету ў падтрымку Бяляцкага

Іван Шэга звярнуўся ў Слонімскі райвыканкам з заявай, у якой прасіў даць дазвол на пікет, прысвечаны інфармаванню жыхароў Слоніма аб дзейнасці праваабарончай арганізацыі “Вясна” і яе лідэра Алеся Бяляцкага. Адказ з райвыканкама прыйшоў за адзін дзень да запланаванай даты –7 кастрычніка, і ўтрымліваў адмову.

08.10.2011 У Барысаве месца сходу акупавана міліцыяй

Народны сход у Барысаве быў адменены з-за таго, што не атрымалася сабраць неабходнай колькасці подпісаў. Тым не менш, з 12 гадзін дня ўваходы на гарадскі стадыён і абвешчанае раней месца правядзення Народнага сходу - пляцоўку за стадыёнам - недаступныя.

08.10.2011 Барысаў: Марголін дастаўлены дадому пад канвоем

Арганізатар Народнага сходу Леў Марголін правёў у міліцыі каля двух гадзін, пад міліцэйскім канвоем дастаўлены па месцы жыхарства і не можа выйсці з дому да пяці вечара.

08.10.2011 У Магілёве заўважана скапленне міліцэйскай спецтэхнікі

У раёне Магілёўскага (Быхаўскага) рынка пустая пляцоўка вечарам 7 кастрычніка была запоўнена аўтазакамі, міліцэйскімі “уазікамі” і машынай, на якой замацавана вадамётнай пушка.