viasna on patreon

У Слоніме затрыманы Іван Бедка

2011 2011-10-08T15:03:20+0300 1970-01-01T03:00:00+0300 be https://spring96.org/files/images/sources/slonim-shod-3.gif Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Каля 13 гадзін у слонімскі парк пачалі збірацца людзі на Народны сход. Але перад пачаткам сходу гарадскі парк акружылі людзі ў цывільным --  супрацоўнікі мясцовай міліцыі і КДБ. Большасць з іх былі ў чорных куртках і з парасонамі.

Сход адкрыў кіраўнік слонімскай суполкі БХД Іван Бедка. Як толькі ён пачаў выступленне, усе асобы ў цывільным пачалі падыходзіць да ўдзельнікаў, а потым спынілі выступленне, матывуючы гэта тым, што сход у парку райвыканкамам не дазволены. Пасля спрэчак людзей у цывільным і тых, хто сабраўся на Народны сход,  акцыя была спынена, а Івана Бедку затрымалі і прывязлі ў РАУС.

Дарэчы, у гэты дзень па ўсім горадзе на прадпрыемствах і арганізацыях зрабілі працоўную суботу, а ў цэнтры горада правялі асенні кірмаш, хаця ў ранейшыя гады ён праводзіўся ў канцы кастрычніка. Журналістам, якія там працавалі, не дазвалялі фатаграфаваць і выводзілі з тэрыторыі парку.

У 15.15 стала вядома, што Іван Бедка адпушчаны з РУУС пасля складання пратаколу аб парашэнні правапарадку.

Таксама з'вілася інфармацыя, што з Карэліцкага РУУС пасля трохгадзіннага затрымання адпушчаны Іван Шэга.

Апошнія навіны

Партнёрства

Сяброўства