Праваабарончы цэнтр «ВЯСНА»

Навіны за 11 кастрычніка 2011

11.10.2011 У судзе актывіста Жукоўскага прыкавалі кайданкамі да батарэі

Непрыемным інцыдэнтам абярнулася спроба гомельскага дэмакратычнага актывіста Канстанціна Жукоўскага высветліць у судзе, калі будзе працягнуты разгляд справы яго паплечніка Валера Сляпухіна.

11.10.2011 За выступ на Народным сходзе гомельскі актывіст Валер Сляпухін пакараны буйным штрафам

Валер Сляпухін падкрэсліў, што не прызнае сябе вінаватым і што ён не парушаў закон, бо мерапрыемства ладзілася не як мітынг, а як мясцовы сход. Але суддзя Ілля Свірыдаў палічыў інакш і пакараў актывіста буйным штрафам - у 40 базавых велічыняў, гэта 1мільён 400 тысяч рублёў. Сляпухін адзначыў, што будзе абскарджваць пастанову суда.

11.10.2011 У Польшчы падпісалі 4000 паштовак для Алеся Бяляцкага

Амаль 4000 падпісаных паштовак адпраўлена з Польшчы Алесю Бяляцкаму. Няўрадавыя арганізацыі, якія ўваходзяць у асацыяцыю «Група Замежжа», сумесна з няўрадавым сектарам Беларусі завяршылі кампанію «Салідарныя з Беларуссю. Паштоўкі для арыштаванага Алеся Бяляцкага».

11.10.2011 Следчую па справе Бяляцкага прыцягнуць да дысцыплінарнай адказнасці?

Пракуратура горада Мінска прапанавала кіраўніку аддзела папярэдняга расследавання УДФР КДК па Мінскай вобласці разгледзець пытанне аб прыцягненні следчай Касынкінай да дысцыплінарнай адказнасці за адсутнасць тлумачэнняў парадку абскарджання вынесеных пастановаў.

11.10.2011 Валянцін Стэфановіч: Відаць, уладам надакучыла актыўнасць беларускіх праваабаронцаў…

Аб правах чалавека ў Беларусі, замежных рахунках і гучнай “справе Бяляцкага” карэспандэнт “Народнай Волі” гутарыць з вядомым беларускім праваабаронцам Валянцінам СТЭФАНОВІЧАМ.

11.10.2011 Начальнік шклоўскай калоніі замінае пабрацца шлюбам Міколу Статкевічу і Марыне Адамовіч

Ён наўмысна не завярае сваім подпісам неабходную для ЗАГСа заяву, пад якой стаіць подпіс цяперашняга палітвязня і экс-кандыдата ў прэзідэнты. У праваабаронцы Барыса Бухеля падчас ўчорашняга візіту ў калонію атрымалася прабіцца на прыём да начальніка ўстановы спадара Ярмаліцкага.

11.10.2011 У Баранавічах аштрафавалі Віктара Мезяка

Старшыню аргкамітэта па падрыхтоўцы і правядзенні мясцовага схода асудзілі на 10 базавых адзінак (350 тысяч рублёў) штрафу. 11 кастрычніка Віктар Мезяк быў выкліканы па тэлефоне ў гарадскую міліцыю, дзе яго апыталі. Затым міліцыянеры адвезлі Віктара ў гарадскі суд.

11.10.2011 Еўракамісія занепакоена рэпрэсіямі на Беларусі

Еўрапейская камісія выказвае глыбокую занепакоенасць рэпрэсіямі беларускіх уладаў у дачыненні прадстаўнікоў грамадзянскай супольнасці і лідараў апазіцыі. Такі адказ на свой запыт у Еўракамісію атрымаў дэпутат Еўрапейскага парламенту Марэк Мігальскі.

11.10.2011 Смалявічы: Артур Эшбаеў на волі

11 кастрычніка ў 6:40 з ІЧУ Смалявіцкага РАУС быў вызвалены дэмакратычны актывіст Артур Эшбаеў, асуджаны 7 кастрычніка на сем сутак адміністратыўнага арышту. "Я ўжо на працы ... Не магу сказаць, ці стане мая адсідка падставай для звальнення. Вельмі гэтага не хацелася б".

11.10.2011 Баранавіцкі гарвыканкам не жадае “ўмешвацца” ва ўнутраныя справы Украіны

Баранавіцкі гарвыканкам забараніў грамадскаму актывісту, сябру гарадской суполкі Аб’яднанай грамадзянскай партыі і “Руху “За свабоду” Рыгору Грыку праводзіць пікет у падтрымку Юліі Цімашэнка.

11.10.2011 Гарадоцкі актывіст рыхтуе скаргу на дзеянні ДАІ

Леаніда Аўтухова спыніла ДАІ, калі ён вяртаўся з віцебскага Народнага сходу. Супрацоўнікі інспекцыі заявілі, што ён парушыў правілы дарожнага руху, выязжаючы з месца сустрэчы. Спадар Аўтухоў лічыць, што прэтэнзіі да яго маюць палітычныя падставы.

11.10.2011 Міліцыянты пагражаюць адміністратыўнай адказнасцю за флэшмоб у Віцебску

11 кастрычніка віцебская моладзь збіралася зладзіць флэшмоб “Радыяцыя 2.0”, каб прадэманстраваць сваю нязгоду з пабудовай АЭС у Беларусі. Для каардынацыі ахвотных была створана адмысловая падзея “Вконтакте”, і да адной з яе ўдзельніц напярэдадні вечарам з’явіліся міліцыянты.

11.10.2011 Лісты ад Алеся Бяляцкага больш не даходзяць да сяброў і блізкіх

Родныя і сябры зьняволенага старшыні Праваабарончага цэнтру Вясна” Алеся Бяляцкага перасталі атрымліваць ад яго паштовую карэспандэнцыю. Жонка Наталля, напрыклад, атрымала апошні ліст ад мужа, які быў датаваны 20 верасьнем. Нехта з сяброў Алеся не атрымаў адказу на 3 і нават болей лістоў. Супрацоўнікі ПЦ “Вясна” не ўпэўненыя нават у тым, ці атрымлівае сам Бяляцкі карэспандэнцыю з волі.

11.10.2011 У Гомелі судзяць Валерыя Сляпухіна за Народны сход

На Валерыя Сляпухіна складзены пратакол па артыкуле 23.34 КаАП, яго абвінавацілі ў арганізацыі несанкцыянаванага мерапрыемства. Вечарам 10 кастрычніка ён быў дастаўлены ў ІЧУ. Разгляд адміністратыўнай справы пачаўся зраніцы 11 кастрычніка ў судзе Чыгуначнага раёна Гомеля.

11.10.2011 Магілёўскую актывістку Крысціну Шацікаву дапыталі ў шпіталі

Нагодай для візіту ў шпіталь маёра Андрэя Цецярукова стала скарга актывісткі кампаніі “Наш дом” на дзеянні супрацоўнікаў міліцыі падчас “маўклівай акцыі” 21 верасня.