У Бабруйск у быў затрыманы сябра аргкамітэта Народнага схода

2011 2011-10-08T15:23:52+0300 1970-01-01T03:00:00+0300 be https://spring96.org/files/images/sources/buzinaeu_viktar-babrujsk.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Віктар Бузінаеў, сябра АГП

Віктар Бузінаеў, сябра АГП

На месцы правядзення Народнага схода гарадскія ўлады зладзілі кірмаш з песнямі, пляскамі, з таннай гарэлкай і лозунгамі пра чарку і шкварку. На акрэслены “пятачок” за гандлёвымі кропкамі сцягнулася недзе 50 чалавек. Побач з імі знаходзіліся галоўны ідэолаг Аляксанд Маркачоў, намеснік начальніка УУС Сяргей Малішэўскі, маёр Андрэй Малахаў ды процьма таямнічых людзей у цывільным. Удзельнікаў схода здымалі на некалькі камер, у тым ліку аператар тэлеканала “Лад” і падпалкоўнік міліцыі Савіцкі.

Прыкладна на пятай хвіліне схода сябра аргкамітэта Віктар Бузінаеў пачаў зачытваць петыцыю. У гэты ж момант яго схапілі супрацоўнікі міліцыі і зацягнулі ў мікрааўтобус. Кіраваў “аперацыяй” Сяргей Малішэўскі, які быў апрануты ў цывільнае. Тым не менш людзі не разыходзіліся, працягвалі стаяць на пляцоўцы ля гандлёвага цэнта “Вэстар”.

Недзе праз 15 хвілін пасля затрымання Бузінаева, людзі пайшлі ў аддзяленне міліцыі. Увесь гэты час за імі ішоў падпалкоўнік Савіцкі (таксама ў цывільным) і фіксаваў усё на відэакамеру. Бабруйчане пачалі абурацца, патрабавалі, каб мужчына пакінуў іх у спакоі, папярэджвалі, што напішуць на яго заяву ў міліцыю. Падыйшоўшы да аддзялення ўдзельнікі схода даведаліся, што Віктара Бузінаева адпусцілі.

-Спачатку міліцыянт Сяргей Прохараў хацеў скласці пратакол, нават “шапку” напісаў, - распавядае Віктар Бузінаеў, - Але потым прыйшоў маёр Малахаў і вывеў мяне на вуліцу.

Апошнія навіны

Партнёрства

Сяброўства