Ян Мельнікаў арыштаваны на 5 сутак за ўлёткі пра Народны сход

Увечары 5 кастрычніка, падчас раздачы улётак пра Народны сход на прахадной Мінскага аўтамабільнага заводу (МАЗ) быў затрыманы актывіст Ян Мельнікаў. Сёньня суд Завадскога раёну горада Мінска асудзіў яго на 5 сутак арышту.

На Яна Мельнікава склалі пратакол па артыкуле 23.34 КаАП “Парушэнне парадку арганізацыі або правядзення масавага мерапрыемства або пікетавання”, хоць нормы закону “Аб масавых мерапрыемствах у Рэспубліцы Беларусь” і не распаўсюджваюцца на Народныя сходы, якія рэгулююцца законам РБ “Аб рэспубліканскіх і мясцовых сходах”.Тым не меньш суддзя Алена Някрасава пакарала актывіста арыштам у 5 сутак.