Судзяць удзельнікаў учорашняй акцыі салідарнасьці (аднаўляецца)
У судзе Ленінскага раёна Мінска пачынаецца разгляд адміністратыўных спраў затрыманых учора ўдзельнікаў акцыі салідарнасьці з палітвязнямі ў Менску.
Нагадаем, што Сяргей Лыскоў, Мікіта Каваленка і Аляксандр Вялітчанка былі затрыманыя 26 кастычніка ў 19 гадзін на процілеглым ад Кастрычніцкай плошчы баку праспекта Незалежнасці, каля афіцыйных трыбун. Яны разгарнулі партрэты палітвязняў і пачалі скандаваць: "Свабоду!", Пасля чаго іх затрымалі і даставілі ва УУС Ленінскага раёна.
Затрыманы непадалёку ад плошчы прадпрымальнік Андрэй Кабанаў правёў у пастарунку больш за гадзіну, у яго падняўся ціск і міліцыя выклікала хуткую дапамогу. Пасьля аказаньня медычнай дапамогі Кабанава адпусцілі і парвалі складзены на яго пратакол.
Аляксандра Вялітчанку будзе судзіць суддзя Навіцкая, а Мікіту Каваленку і Сяргея Лыскова - суддзя Хома.
Мікіту Каваленку – 10 сутак арышту, Аляксандру Вялітчанку – 15 сутак, Сяргею Лыскову - 10 сутак.
