Брэст: акцыя ў падтрымку палітвязняў прайшла без затрыманняў
26 кастрычніка ў цэнтры Брэста адбылася акцыя ў падтрымку палітычных вязняў
Увечары 26 кастрычніка ў цэнтры Брэста адбылася акцыя ў падтрымку палітычных вязняў. На вуліцы Савецкай сабралася некалькі чалавек, якія трымалі партрэты Андрэя Саннікава, Мікалая Статкевіча, Паўла Севярынца і Зміцера Дашкевіча. Мерапрыемства працягвалася прыблізна 15 хвілін і скончылася без затрыманняў.
Дарэчы, падчас акцыі да яе ўдзельнікаў падыходзілі грамадзяне Расіі, якія зараз наведваюць знаёмых у Беларусі. Даведаўшыся, пра што ідзе гаворка і як у нашай краіне захоўваюцца правы чалавека, яны таксама далучыліся да акцыі.
Адзін з удзельнікаў, сябра аргкамітэта па стварэнні партыі Беларуская хрысціянская дэмакратыя (БХД) Алесь Чаркашын нагадаў, што ў Беларусі не працуе заканадаўства, таму невінаватыя людзі знаходзяцца ў няволі альбо адбываць пакаранне “на хіміі” па палітычных матывах.
