Праваабарончы цэнтр «ВЯСНА»

Навіны за 17 сьнежня 2010

17.12.2010 Пінск: Медкаледж у лідэрах па галасаванні датэрмінова

На чатырох выбарчых участках, якія кантралююць назіральнікі ад дэмакратычных арганізацый, свае галасы аддалі ў сярэднім 6-7% выбаршчыкаў, а на паказальным участку №30 “Установа адукацыі “Пінскі дзяржаўны медыцынскі каледж” прагаласавала ўжо больш за 30%.

17.12.2010 Магілёў: Назіральнікі фіксуюць масавае галасаванне пад прымусам

Праваабаронца Уладзімір Краўчанка адзначае: “Сябры камісіі прадастаўляюць звескі аб тых, хто прагаласаваў і аб тых, хто яшчэ гэтага не зрабіў. Як вядома галасаванне – гэта індывідуальная справа кожнага, і прымушаць гэта рабіць датэрмінова ці ў дзень выбараў ніхто не мае права”.

17.12.2010 Шклоў: Падчас перапынка на ўчастку застаюцца міліцыянер і сябра камісіі

Падчас абедзенага перапынку на выбарчым участку для галасавання №13, што ў вёсцы Гарадзец Шклоўскага раёна, застаецца супрацоўнік міліцыі і адзін з сяброў участковай выбарчай камісіі. Яны зачыняюцца на ключ, а назіральніка выстаўляюць за дзверы.

17.12.2010 Магілёў: Ваеннаслужачы прызнаўся, што іх прымушаюць галасаваць датэрмінова

Ваеннаслужачы в/ч №6713 Раман Іванчанка, які прыйшоў галасаваць на выбарчы ўчастак №114 Магілёва, публічна заявіў, што ўсіх ваенных прымушаюць галасаваць датэрмінова, у тым ліку і яго.

17.12.2010 Рымашэўскі ладзіць у Крупках акцыю ў падтрымку Алеся Пушкіна

Кандыдат у прэзідэнты Віталь Рымашэўскі заклікае грамадскасць прыняць удзел у акцыі ў падтрымку мастака Алеся Пушкіна, якая пройдзе сёння каля РАУС у Крупках а 14-й гадзіне. Пра гэта Еўрарадыё распавёў сам кандыдат.

17.12.2010 Транспартная міліцыя правярае аўтобусы, што едуць у Мінск

Аўтобусы, якія рухаюцца ў сталіцу з Гродна, правярае транспартная міліцыя. Супрацоўнікі міліцыі пытаюцца пра мэты паездкі і правяраюць у пасажыраў дакументы. Як паведаміла слухачка Еўрарадыё, іх пасажырскі аўтобус "Гродна — Мінск" міліцыя праверыла на выездзе з Гродна. Таксама міліцыянты спынілі яшчэ некалькі пасажырскіх аўтобусаў, кажа слухачка.

17.12.2010 Пінск: Сустрэча з Раманчуком больш зацікавіла і выбаршчыкаў, і ідэолагаў

16 снежня у Пінску адбыліся адразу дзве сустрэчы выбаршчыкаў: з кандыдатам у прэзідэнты Яраславам Раманчуком і даверанай асобай Віталя Рымашэўскага – Паўлам Севярынцам. На сустрэчу з Севярынцам прыйшло каля 30 чалавек, на сустрэчу з Раманчуком -- каля 300 пінчукоў.

17.12.2010 Мінск: Дэмакрата выключаюць з участковай камісіі за фіксаванне фальсіфікацыяў

Апошняй кропляй стала тое, што сябра Партыі БНФ Юры Шпак-Рыжкаў змог сфатаграфаваць вялізныя “дзіркі” ў скрынях для бюлетэняў. У дадатак, апазіцыянер пабачыў, што ў скрынях адсоўваюцца крышкі, а лічбы прагаласаваўшых датэрмінова выбаршчыкаў завышаюцца. А яшчэ ён знайшоў і 50 няўлічаных бюлетэняў.

17.12.2010 Баранавічы: Педагогі падключыліся да забеспячэння паказчыкаў датэрміновага галасавання

Падчас датэрміновага галасавання ў сярэдніх навучальных установах горада Баранавічы адначасова распачалася пара бацькоўскіх сходаў. Завяршаюцца яны запрашэннем бацькоў датэрмінова прагаласаваць на выбарчым участку.

17.12.2010 Маладэчна: Актывіст з партрэтам кандыдата – міліцыя з аўтаматамі

16 снежня ў памяшканні міні-рынка “1000 дробязяў” Уладзь Шульжыцкі размясціў плакат Рыгора Кастусёва. Не паспеў ён далёка адыйсціся, як убачыў супрацоўнікаў міліцыі з аўтаматамі. Яны адразу затрымалі хлопца і даставілі ў аддзяленне міліцыі.

17.12.2010 У Маладэчне выбаршчыкаў “праграмуюць” (фота)

На выбарчых участках Маладэчна ў “Кутках выбаршчыка” і кабінах для галасавання размешчаны ўзоры запоўненых бюлетэняў, дзе паказана, як трэба галасаваць. Пры гэтым “птушка” стаіць у квадраце насупраць прозвішча другога кандыдата.

17.12.2010 Віцебск: Татальны кантроль за галасаваннем супрацоўнікаў (фота дакументаў)

Да “Праваабаронцаў за свабодныя выбары” трапілі дакументы, якія сведчаць пра тое, што кіраўніцтва не толькі прымушае сваіх работнікаў галасаваць датэрмінова, але і спраўджвае, на якім участку і калі прагаласаваў падначалены.

17.12.2010 Брэст: Пікет супраць датэрміновага галасавання

Ініцыятарамі правядзення двухгадзіннай акцыі на мясцовым чыгуначным вакзале сталі мясцовыя актывісты выбарчага штаба Уладзіміра Някляева. Раней чыгуначны вакзал у Брэсце не выкарыстоўваўся ў якасці тэрыторыі для перадвыбарнай агітацыі, хоць дадзены аб'ект не ўваходзіць у спіс месцаў, дзе падобныя акцыі забароненыя.

17.12.2010 Затрыманыя актывісты кампаніі "Грамадзянін"

Трое актывістаў кампаніі "Грамадзянін" знаходзяцца ў міліцыі Савецкага раёну Мінска. Яны цягам дня раздавалі на выбарчых участках Мінска ўлёткі з выгляду падобныя на позвы ў міліцыю.

17.12.2010 Двух польскіх студэнтаў не прапусцілі праз беларускую мяжу

Фармальнай прычынай стала недастатковая сума грошаў. Пры гэтым студэнты паведамляюць, што кожны з іх меў пры сабе каля пяцісот даляраў. Нават прыезд консула не пераканаў беларускіх памежнікаў: палякам скасавалі візы. Затрыманне цягнулася дзве з паловай гадзіны.