Праваабарончы цэнтр «ВЯСНА»

Навіны за 10 сьнежня 2010

10.12.2010 Мінчан павіншавалі з Міжнародным днём правоў чалавека

Некалькі тысяч тэкстаў Усеагульнай дэкларацыі правоў чалавека раздалі мінакам удзельнікі акцыі, прысвечанай Міжнароднаму дню правоў чалавека. Акцыю правялі праваабаронцы і актывісты моладзевых рухаў у цэнтры сталіцы 10 снежня, у дзень, калі Арганізацыя Аб’яднаных Нацый прыняла Ўсеагульную дэкларацыю чалавека.

10.12.2010 Праваабарончы цэнтр “Вясна” віншуе з Міжнародным днём правоў чалавека!

Сучасныя міжнародныя правы чалавека ўпершыню ўбачылі свет у рамках ААН у 1948 г., калі была прынята Ўсеагульная дэкларацыя правоў чалавека. Толькі тады правы чалавека ўпершыню сталі ўніверсальнымі.

10.12.2010 Маладэчна: Прымусовае галасаванне арганізоўвае кіраўніцтва “Мінскага мэблевага цэнтру"

На СП "Мінскі мэблевы цэнтр", што знаходзіцца ў Маладэчна па вул. Вялікі Гасцінец, 31а, усім кіраўнікам падраздзяленняў прадпрыемства (начальнікам аддзелаў, цахоў, майстрам зменаў) раздалі паперы для ўліку прагаласаваўшых – памятку “Парадак прадастаўлення інфармацыі пра ход галасавання па выбарах Прэзідэнта Рэспублікі Беларусь” і “Узор запаўнення вынікаў выбараў”.

10.12.2010 Гарадзенцам раздавалі Дэклярацыі правоў чалавека

Гарадзенскія праваабаронцы правялі акцыю, прымеркаваную да ўгодкаў абвяшчэньня Усеагульнай дэклярацыі правоў чалавека.

10.12.2010 “Бабруйскае жыццё”: Нечаканы анонс сустрэч з апазіцыйнымі кандыдатамі

Нечакана для бабруйскіх каманд апазіцыйных кандыдатаў газета гарвыканкама “Бабруйскае жыццё” размясціла нататку “Встречи с кандидатами”. У ёй пазначаны час, дзень і месцы сустрэч Кастусёва, Раманчука і Статкевіча з выбаршчыкамі.

10.12.2010 Як прафсаюзы мусяць падтрымаць Лукашэнку

Інструкцыя па падтрымцы Аляксандра Лукашэнкі на выбарах Федэрацыяй прафсаюзаў Беларусі

10.12.2010 Жодзіна: Мясцовыя СМІ – пляцоўка для аднаго кандыдата

Жодзінскія СМІ і навіновыя рэсурсы цалкам праігнаравалі візіты ў горад кандыдатаў у прэзідэнты Я.Раманчука, давераных асобаў У.Някляева, кандыдата А.Саннікава. У супрацьвагу гэтаму нязменная ўвага скіравана на давераных асобаў А.Лукашэнкі і самога кандыдата.

10.12.2010 Еўрапейскія праваабарончыя арганізацыі пачалі збор подпісаў пад зваротам да дзеючага і будучага прэзідэнта Беларусі

Беларускі Дом правоў чалавека сумесна з шэрагам еўрапейскіх праваабарончых арганізацый аб'яўляе пра пачатак электроннага збору подпісаў пад зваротам да дзеючага і будучага абранага прэзідэнта Беларусі. Заклікаем падтрымаць і распаўсюдзіць петыцыю!

10.12.2010 Бяроза: Плакатам Кастусёва не знаходзіцца месца

На выбарчым участку, які размешчаны ў філіяле Дома культуры па вуліцы Камсамольскай горада Бярозы, сарваны агітацыйны плакат Рыгора Кастусёва. Калі давераная асоба кандыдата Анатоль Сахаруша запытаў у дзяжурнага сябра камісіі, дзе падзеўся плакат, той адказаў, што не ведае.

10.12.2010 Ноу-хау ад Аршанскай гарадской выбарчай камісіі

Напярэдадні візіту Някляева ў Оршу яго каманда паспрабавала даць аб'яву на мясцовым тэлеканале аб маючай адбыцца сустрэчы. Аднак тэрытарыяльная камісія забараніла прымаць аб'яву ад прыватных асоб. Ніводнага дзеючага заканадаўчага акта ў падтрымку такой пазіцыі камісія прывесці не змагла.

10.12.2010 Аршанскія выбаршчыкі скардзяцца ў Цэнтрвыбаркам

Старшыня гарадскога Савета дэпутатаў Дабрыніна Л.А. як давераная асоба кандыдата ў Прэзідэнты Рэспублікі Беларусь Лукашэнка А.Р. праводзіла перадвыбарчую агітацыю за дзеючага Прэзідэнта ў Аршанскім медыцынскім каледжы, выкарыстоўваючы для гэтага інфармацыйны гадзіну (пісьмовы зварот аб правядзенні названай сустрэчы і правядзенні перадвыбарчага сходу адсутнічае).

10.12.2010 Дзмітрый Растаеў больш не працуе ў «Вечернем Бобруйске»

З 30-га лістапада журналіст Дзмітрый Растаеў, сябра ГА «БАЖ» і пазаштатны карэспандэнт «БелГазеты», больш не працуе ў штаце рэдакцыі недзяржаўнай газеты «Вечерний Бобруйск».

10.12.2010 Бабруйск: Газета гарвыканкама “падпявае” дзеючаму прэзідэнту і паўтараецца

У апошнім нумары газеты гарвыканкама “Бабруйскае жыццё” (№ 99 ад 10 снежня) выйшла некалькі артыкулаў, прысвечаных выбарам. У адным з іх - пад назвай “Девять претендентов, а позиция одна?” - Аляксандр Цімафееў, па традыцыі, крытыкуе кандыдатаў ад апазіцыі.

10.12.2010 Пінск: Утвораны моладзевы штаб у падтрымку кандыдата Лукашэнкі

Аб яго дзейнасці напісала газета “Пінскі веснік” у №98. У артыкуле “Рожденные в Беларуси” газета паведамляе, што штаб утвораны пры ГА “Беларускі фонд міру” і ягонымі ўдзельнікамі з’яўляюцца маладыя актывісты перадвыбарчай кампаніі. Яны ўжо прымалі ўдзел у пікетах па зборы подпісаў, падтрымцы аўтапрабегу “За Бацьку!”

10.12.2010 Першы крок: Апытанне кандыдатаў у прэзідэнты

Сёння – Міжнародны дзень правоў чалавека, праз дзевяць дзён – выбары прэзідэнта. Для нас, праваабаронцаў, цікава, што плануюць зрабіць сённяшнія кандыдаты дзеля выпраўлення сітуацыі з правамі чалавека, калі зоймуць прэзідэнцкае крэсла. Дзевяць кандыдатаў у прэзідэнты адказалі на пытанне праваабаронцаў : “Якім будзе ваш першы крок?"