Праваабарончы цэнтр «ВЯСНА»

Навіны за 26 сьнежня 2010

26.12.2010 Двое сяброў Мінскай гарадской камісіі не прызналі вынікаў выбараў (тэксты асаблівых меркаванняў)

Сябры Мінскай гарадской выбарчай камісіі Галіна Сямдзянава і Аляксей Сігаеў не падпісалі выніковы пратакол па выніках выбараў. Яны выклалі свае асаблівыя меркаванні, у якіх пералічылі парушэнні Выбарчага кодэксу, указаўшы, што гэтыя факты даюць падставы прызнаць выбары ў Мінску несапраўднымі.

26.12.2010 А.Воўчак: Рэпрэсіўны "бульдозер" ужо губляе арыенціры

За подпісам пракурора горада Мінска Куліка Алегу Воўчаку было прад'яўлена пастанова аб правядзенні вобшуку ў сувязі з тым, што "Прававая дапамога насельніцтву", якую ён узначальвае, мела дачыненне да масавых беспарадкаў у Мінску 19 снежня.

26.12.2010 Перасьледы ў рэгіёнах на выходныя

На кватэру каардынатара берасьцейскага Руху "За свабоду" Дзяніса Турчыняка наведаліся міліцыянт і чалавек у штацкім. Супрацоўнікі прастаялі некаторы час перад кватэрай актывіста. Дзьверы ім ніхто не адчыніў, пасьля яны пачалі званіць у кватэры да суседзяў.

26.12.2010 Начны ператрус на “Белсаце”

Сёння ўначы невядомыя ўварваліся ў офіс першага незалежнага тэлеканалу «Белсат» у Менску. Яны разрэзалі дзверы памяшкання адмысловай пілой. Цяпер уваход на офіс апячатаны.

26.12.2010 Вобыскі на Каляды

На кватэрах дэмакратычных актывістаў 25 снежня праводзіліся вобыскі. Супрацоўнікі следчых органаў у межах крымінальнай справы па ч.2 арт. 293 КК канфіскуюць у асноўным кампутарную тэхніку.

26.12.2010 Адвакатка ўпершыню сустрэлася з Андрэем Дзмітрыевым

25 снежня адвакатка Ірына Мініна ўпершыню змагла сустрэцца са сваім падабаронным Андрэем Дзмітрыевым, які з'яўляецца кіраўніком выбарчага штабу Ўладзіміра Някляева. Ён праходзіць адным з падазраваных па крымінальнай справе, узбуджанай па ч.2 арт. 293 КК - масавыя беспарадкі. Усе адвакаты па гэтай справе даюць падпіску аб неразгалошванні таямніцы следства.

26.12.2010 Выбары на поўначы Магілёўшчыны: Рэгіянальны зрэз

З усіх раёнаў паўночнай часткі Магілёўскай вобласці найбольш “вызначыўся” Круглянскі раён. Тут удзел у галасаванні прынялі 99,3 % ад усяго спісачнага складу выбаршчыкаў (гэта найбольшы вынік па Магілёўскай вобласці), з якіх 91 % прагаласавалі за дзеючага кіраўніка краіны.