Праваабарончы цэнтр «ВЯСНА»

Навіны за 18 сьнежня 2010

18.12.2010 Перадмітынговыя пагромы ў Менску набіраюць моц (аднаўляецца!)

Па апошніх дадзеных, супрацоўнікі міліцыі ў Менску спрабавалі ўламіцца ў кватэру да Тацяны Шапуцькі. У той жа час “пашпартны кантроль” уварваўся ў кватэру, дзе знаходзіліся актывісты Юльян Місюкевіч, Зміцер Ясевіч, разам са сваімі сябрамі з расійскай арганізацыі “Абарона”. Зараз сувязь з імі адсутнічае. Дагэтуль невядомы лёс Кастуся Жукоўскага, затрыманага сёньня. Дзяжурны па ГУУС Менску паведамляе, што інфармацый пра іх затрыманьне не валодае. Таксама міліцыянты спрабавалі трапіць у жытло моладзевых актывістаў Змітра Хведарука, Міколы Дземідзенкі і Кацярыны Людвіг.

18.12.2010 Зміцер Дашкевіч і Паліна Дзякава затрыманыя прэвентыўна (дапаўняецца)

Прыкладна паўгадзіны таму ў Фрунзенскім раёну Менска быў затрыманы “маладафронтавец” Зміцер Дашкевіч. Ён выносіў сьмецце, калі некалькі чалавек схапілі яго і адвалаклі ў мікрааўтобус цёмна-сіняга колеру.

18.12.2010 Маладэчна: Міліцыянераў абавязалі дакладаць пра назіральнікаў на ўчастках

У Маладэчне, як і ў іншых гарадах Беларусі, міліцыя прымае ў выбарчым працэсе вельмі актыўны ўдзел. Акрамя назірання за парадкам на выбарчым участку, яна выконвае яшчэ шмат важных функцый, напрыклад – назірае за назіральнікамі.

18.12.2010 Вядомыя музыкі далучыліся да кампаніі “Праваабаронцы за свабодныя выбары”

Лявон Вольскі і Алег Хаменка вырашылі не толькі выканаць свой грамадзянскі абавязак – прыняць удзел у выбарах прэзідэнта Беларусі, але і стаць сведкамі таго, наколькі працэс волевыяўлення грамадзянаў краіны адпавядае заканадаўчым нормам пры правядзенні галасавання.

18.12.2010 Бабруйск: “Птушачкі” на ўзорах для галасавання перамяшчаюцца

У Бабруйску на двух участках - № 26 і № 32 - адбыліся дзіўныя метамарфозы з узорамі бюлетэняў для галасавання. Першыя тры дні “птушачкі” стаялі насупраць кандыдата № 1, а ўчора раптоўна ўзоры замянілі на іншыя. У іх “птушачка” стаяла насупраць кандыдата № 2.

18.12.2010 Гродна: Без даведкі пра датэрміновае галасаванне дактары адмовілі ў накіраванні ў дыспансер

На ўчастак №57 Ленінскага раёна прыйшоў чалавек, які папрасіў выдаць яму даведку пра тое, што ён прагаласаваў датэрмінова. Выявілася, што без гэтай даведкі дактары адмовіліся даць яму накіраванне ў кардыялагічны дыспансер. Такую даведку грамадзяніну ўчастковая камісія выдала.

18.12.2010 Бабруйск: Трох назіральнікаў выдалілі з участкаў

За сённяшні дзень (18 снежня) у Бабруйску выдалілі адразу трох незалежных назіральнікаў на розных выбарчых участках: Валянціна Глухава – участак № 5, Ніна Федзяева - № 6, Аляксандр Смірноў - № 17. Матывацыя выдалення ва ўсіх трох выпадках аднолькавая – “за стварэнне нярвознай абстаноўкі і неабаснаваныя скаргі”.

18.12.2010 Спецыяльна для БТ: Прымусовае галасаванне ў Мінскім дзяржаўным тэхналагічным каледжы (відэа)

Учора па БТ Юры Пракопаў падрыхтаваў рэпартаж пра тое, што праваабаронцы хлусяць, сцвярджаючы, што ў навучальных установах Беларусі навучэнцы і студэнты масава змушаюцца да датэрміновага галасавання. Паказаў журналіст (за што асобнае дзякуй) і сайт Праваабарончага цэнтра "Вясна", дзе выкладаюцца такія факты. Сёння мы вырашылі прапанаваць Пракопаву відэазапіс прымусу ў Мінскім дзяржаўным тэхналагічным каледжы.

18.12.2010 Мінск: Два незалежныя назіральнікі пазбаўлены акрэдытацыі

Як паведаміла Валянціна Свяцкая, 18 снежня на ўчастку N 37 у Кастрычніцкім раёне Мінска пазбаўленыя акрэдытацыі два незалежныя назіральнікі – Іван Умрэйка і Ганна Жоль. Як сказана ў рашэнні камісіі, незалежнае назіранне спынена “ў сувязі з тым, што не хапае месца на выбарчым участку”.

18.12.2010 У Віцебску праўладных назіральнікаў навучылі “правільна адказваць”

На ўчастку №16 у Чыгуначным раёне Віцебска каардынатар руху “За Свабоду” Хрыстафор Жаляпаў заўважыў “Памятку назіральніку”, змест якой уразіў актывіста. Па ягоных словах, памятка прызначана для назіральнікаў ад прадзяржаўных структур і ўтрымлівае адказы на пытанні, якія могуць паступіць “ад структур апанентаў”.

18.12.2010 Бабруйск: На сустрэчы з кандыдатамі шчыравалі правакатары

Сёння, 18 снежня, Бабруйск наведалі два кандыдаты ў прэзідэнты – Мікола Статкевіч і Дзмітры Ус. Для гэтых кандыдатаў бабруйскія ўлады падрыхтавалі самых апантаных правакатараў, якія паводзілі сябе нахабна, а часам па-вар’яцку. Вэрхал працягваўся амаль да самага фіналу сустрэчы, пакуль камера дзяржтэлевізіёншчыка не засняла ўсе дэманстратыўныя сыходы “абураных грамадзян”.

18.12.2010 Зянон Пазняк заклікаў кандыдатаў зняцца

18 сьнежня на пляцы каля Акадэміі навук сябры КХП-БНФ правялі сустрэчу выбарцаў. На ёй была агучана заява старшыні партыі Зянона Пазьняка.

18.12.2010 Магілёў. Давераную асобу Дзмітрыя Уса міліцыянер выправадзіў з участка

Уладзіміра Новікава, давераную асобу кандыдата на пасаду Прэзідэнта Рэспублікі Беларусь Дзмітрыя Уса, супрацоўнік міліцыі выправадзіў з выбарчага ўчастка №152, што знаходзіцца ў сярэдняй школе №17.

18.12.2010 Наваельня: Паказчыкі датэрмінова галасавання забяспечваюцца за кошт абеду

Калі назіральнік з Наваельні (Дзятлаўскі раён) Уладзімір Рудзеў сёння, 18-га снежня, з’явіўся на выбарчы ўчастак у 15.55, выявілася, што ён ужо адчынены і галасаванне ідзе поўным ходам.

18.12.2010 Маладэчна: Праваабаронца чакае адказу з пракуратуры

У заяве па фактах прымусу да галасавання Аляксей Хвосцік просіць, каб у адносінах да вінаватых кіраўнікоў СП "Мінскага мэблевага цэнтру", немесніка генеральнага дырэктара па ідэалагічнай працы Мікалая Цюракіна і кіраўніцтва Радашковіцкага керамічнага завода была ўзбуджана крымінальная справа па адпаведных артыкулах.