Праваабарончы цэнтр «ВЯСНА»

Навіны за 27 сьнежня 2010

27.12.2010 На допыты ў КДБ выклікаюць моладзевых актывістаў

27 снежня на допыт у КДБ быў выкліканы моладзевы актывіст Аб'яднанай грамадзянскай партыі Аляксандр Сцепаненка.

27.12.2010 Ператрус у хаце Зьмітра Бандарэнкі

На кватэры даверанай асобы Андрэя Саньнікава каардынатара «Эўрапейскай Беларусі» Зьмітра Бандарэнкі праходзіць вобшук. Пра гэта «Свабодзе» паведамілі сваякі арыштаванага.

27.12.2010 Амбасада Расеі зьвернецца ў Вярхоўны суд

Амбасада Расеі ў Беларусі не задаволена рашэньнем Менскага гарадзкога суду адносна дзевяці затрыманых грамадзян Расеі і рыхтуе зварот у Вярхоўны суд Беларусі.

27.12.2010 Яшчэ два падазраваныя па крымінальнай справе аб масавых беспарадках

Дзмітрый Новік быў затрыманы 23 снежня ўвечары і зараз утрымліваецца ў ізалятары КДБ. У кватэры асуджанага і адбываючага 15-сутачны арышт удзельніка акцыі пратэсту Мікіты Ліхавіда супрацоўнікамі КДБ праведзены ператрус у межах крымінальнай справы аб масавых беспарадках.

27.12.2010 Сёння асуджаны да арыштаў шэсць чалавек

Вольга Дамарад, Міхась Мацкевіч, Алесь Кіркевіч асуджаны на 10 сутак адміністратыўнага арышту за акцыю салідарнасці 24 снежня. Па абвінавачанні ва ўдзеле ў гэтай жа акцыі на 10 сутак асуджаны выпадковы мінак А. Жыгалка. Міхась Пашкевіч атрымаў 15 сутак за салідарнасць каля Акрэсціна 21 снежня. За ўдзел у акцыі пратэсту 19 снежня на 10 сутак арыштаваны брэсцкі актывіст Дзмітрый Шурхай.

27.12.2010 У гомельскім ІЧУ сок і мінералку для арыштантаў не прынялі

У гомельскім ізалятары часовага ўтрымання не прынялі сок і мінеральную ваду для актывістаў Юрыя Клімовіча, Валерыя Сляпухіна і Юрыя Захаранкі, якія адбываюць адміністрацыйны арышт.

27.12.2010 Жлобін, Рагачоў, Светлагорск: Рэгіянальны зрэз выбарчай кампаніі

Некаторыя прадстаўнікі выбарчых камісій асабліва падкрэслівалі свае адмоўнае стаўленне да незалежных назіральнікаў. Такіх назіральнікаў яны ўспрымалі не як прадстаўнікоў грамадзян і грамадскіх арганізацый, а як праціўнікаў існуючага ў краіне палітычнага рэжыму.

27.12.2010 Валянцін Стэфановіч: Вельмі важна паказаць, якімі метадамі зараз дзейнічае следства

Праваабарончаму цэнтру “Вясна” сталі вядомыя факты аказання ціску на грамадзянаў краіны супрацоўнікамі следства ў межах узбуджанай крымінальнай справы. Так, у адным з такіх выпадкаў невядомыя ўварваліся ў кватэру, накінулі маладому чалавеку на галаву пакет, білі, а потым патрабавалі падпісаць паперы, з якіх вынікала, што прадстаўнікі апазіцыі падбівалі яго да ўчынення масавых беспарадкаў.

27.12.2010 Сярэдзіча выклікаюць у КДБ

Галоўнага рэдактара газеты "Народная воля" Іосіфа Сярэдзіча выклікаюць на допыт у КДБ. Пра гэта ён паведаміў сёння БелаПАН, спаслаўшыся на тэлефанаванне чалавека, які прадставіўся следчым КДБ. Як адзначыў Сярэдзіч, яму паведамілі, што выклікаюць у Камітэт дзяржбяспекі ў якасці сведкі. Па якой справе, не патлумачылі. Іосіф Паўлавіч адмовіўся ад сустрэчы сёння, бо заняты працай над чарговым нумарам. У адказ суразмоўца паведаміў, што прынясе позву заўтра да 10 гадзіны ў рэдакцыю.

27.12.2010 Вольга Някляева: Мне дагэтуль не пацвердзілі, што муж знаходзіцца ў КДБ

Жонка кандыдата ў прэзідэнты Ўладзіміра Някляева ў панядзелак наведала Генпракуратуру і КДБ, але пра лёс мужа ёй зноў нічога не паведамілі.

27.12.2010 Выбары на Віцебшчыне. Рэгіянальны зрэз

На ўчастках, дзе стала працавалі незалежныя назіральнікі, “сярэдняя” яўка склала толькі 70-80%. І на дастаткова вялікай колькасці ўчасткаў, дзе працавалі назіральнікі, колькасць галасоў, аддадзеных за дзейнага прэзідэнта, вагалася ў межах 45-55%.

27.12.2010 “Жодзінцам” не хапае капэртаў, паперы і алоўкаў

Як паведамляе арыштаваны ўдзельнік акцыі 19 снежня, якога выпусцілі з Жодзінскага ІЧУ на пахаваньне сваяка, вязьням не хапае капэртаў, паперы і алоўкаў. Таксама паступалі просьбы аб тым, каб перадалі ў ІЧУ некалькі асобнікаў Кодэксу аб адміністратыўных правапарушэннях.

27.12.2010 У суд Маскоўскага раёна нікога не пускаюць, даюць суткі

15-40. Вольгу Дамарацкую і Міхаіла Мацевіча пакаралі арыштам на 10 сутак.

27.12.2010 Міхась Пашкевіч: “Чакаю сваёй чаргі… у судзе”

У 12-55 да праваабаронцаў прыйшло лаканічнае паведамленьне ад актывіста Міхася Пашкевіча” Суд Маскоўскага раёна. Чакаю сваёй чаргі”.

27.12.2010 Міхась Пашкевіч затрыманы?

Сёння зранку актывіст Міхась Пашкевіч перастаў адказваць на тэлефонныя званкі. Сябры затурбаваліся, калі ён не з’явіўся на акцыю салідарнасці ля КДБ, якая распачалася, а 9.15 раніцай у панядзелак.