Праваабарончы цэнтр «ВЯСНА»

Навіны за 1 сьнежня 2010

01.12.2010 Улады фармуюць армію «сваіх назіральнікаў»

Старшыні ўчастковых камісій атрымалі заданне сфармаваць брыгады назіральнікаў. Апошніх навучаюць таму, як супрацьстаяць «цікаўным» журналістам і назіральнікам пры падліку галасоў на ўчастку, нейтралізаваць асабістае меркаванне назіральнікаў і засведчыць чарговую «элегантную» перамогу. Пра гэта даведалася назіральнік ад ГА "БНФ "Адраджэньне" Валянціна Свяцкая, наведаўшы 30 лістапада семінар-трэнінг для старшыняў участковых камісій Маскоўскага раёна г.Мінска.

01.12.2010 Бабруйск: Агітацыя ў СМІ -- толькі за дзеючага прэзідэнта

Гарадскія газеты ў перыяд агітацыі абралі тактыку маўчання і друкуюць агульную інфармацыю, датычную выбараў. Выключэнне – хіба што рупар гарвыканкама “Бабруйскае жыццё”, які аддана піярыць толькі аднаго кандыдата, дзеючага прэзідэнта.

01.12.2010 Шклоў: На малой радзіме Лукашэнкі з выбаршчыкамі сустрэўся Някляеў

Назіральнік Міхаіл Кучарэнка: "Сустрэча Уладзіміра Някляева прайшла ў цэлым арганізавана, ніякіх перашкод яе правядзенню не чынілася. Я асабіста не лічыў, колькі людзей пажадала сустрэцца з кандыдатам, магу толькі адзначыць, што было больш за пяцьдзесят. Людзей магло было б быць больш, але сустрэча адбывалася ў працоўны час".

01.12.2010 Брэст: “Раёнка” ўбачыла ў стасунках Андрэя Саннікава з выбаршчыкамі суцэльны негатыў

Афіцыйнае выданне Брэсцкага райвыканкама “Заря над Бугом” размясціла на сваіх старонках рэпартаж пра сустрэчу кандыдата ў прэзідэнты РБ Андрэя Саннікава з берасцейцамі. Увесь матэрыял “Краіна Саннікава. Ці існуе гэта краіна?” напісаны ў крытычным ключы.

01.12.2010 Пінск: Таямніца ахоўваецца надзейна

Месцы працы сяброў камісіі засакрэчваюцца нават ад іншых сябраў гэтай жа камісіі. Так, прадстаўнік Партыі БНФ Аляксандар Рамановіч, які з’яўляецца сябрам пінскай участковай камісіі № 26, паспрабаваў даведацца, дзе працуюць ягоныя калегі па камісіі.

01.12.2010 Барысаў: ТВК анансавала сустрэчу з апазіцыйным кандыдатам толькі ў інтэрнэце

Беспрэцэндэнтны выпадак: на сайце Барысаўскага райвыканкама з'явілася абвестка пра час і месца правядзення сустрэчы апазіцыйнага кандыдата Някляева з жыхарамі горада.

01.12.2010 Акцыя «Гарады за жыцьцё - гарады супраць сьмяротнага пакараньня» ўпершыню прайшла ў Менску

Актывісты кампаніі “Праваабаронцы супраць сьмяротнага пакараньня”, прадстаўнікі праваабарончага цэнтру "Вясна" правялі незвычайную акцыю «Гарады за жыцьцё - гарады супраць сьмяротнага пакараньня» ў Менску 30 лістапада.

01.12.2010 Беларусы ўдзельнічаюць ў Эўрапейскім кангрэсе правоў чалавека

У польскім горадзе Катавіцы праходзіць Эўрапейскі кангрэс правоў чалавека. Адмыслоўцы з Беларусі, Польшчы і Расеі абмяркоўваюць праблемы правоў чалавека на постсавецкай прасторы.

01.12.2010 Бабруйск: Камеры “забраніравалі” для апазіцыянераў?

Жыхар Бабруйска распавёў праваабаронцам пра выпадак, які з ім адбыўся пасля парушэння правілаў дарожнага руху.

01.12.2010 Ігара Аліневіча трымаюць у “Амерыканцы”

Затрыманы 28 лістапада ў Маскве Ігар Аліневіч знаходзіцца ў сьледчым ізалятары КДБ (“Амерыканцы”) ў Менску. Пра гэта маці актывіста паведаміў дзяжурны адвакат.

01.12.2010 Слонім: На сустрэчу з даверанай асобай Лукашэнкі незалежных журналістаў не запрасілі

Пра гэта адразу быў паказаны рэпартаж па мяцовым тэлебачанні “Слонім-ТВС”. Калі ж выступаў у Слоніме Павел Севярынец, ідэолаг са Слонімскага райвыканкама Ігар Лапікаў забараніў даваць інфармацыю пра гэта па ТВС, а вось сустрэчу з Песцісам — дазволіў.

01.12.2010 На старонках “Гомельскай праўды” – ідэалагічна вывераныя “пачуцці”

“Якія пачуцці у вас выклікаюць выступленні кандыдатаў у Прэзідэнты?” Гэты матэрыял змешчаны на першай старонцы. Паколькі А. Лукашэнка хоць і балатуецца на чарговы тэрмін, але па тэлебачанні ў якасці кандыдата не выступаў, значыць, гаворка ідзе толькі пра іншых кандыдатаў. Усе чацвёра, каго падабралі для інтэрвію, аднадушна заявілі, што пачуцці ў іх адмоўныя.

01.12.2010 З нагоды ператрусу Сяргей Балыкін зьвярнуўся ў пракуратуру

Прадпрымальнік і журналіст Сяргей Балыкін зьвярнуўся ў пракуратуру з нагоды ператрусу ў ягонай кватэры. У заяве ён паведамляе факты неправамоцных дзеяньняў супрацоўнікаў праваахоўных органаў, якія праводзілі ператрус і заяўляе пра парушэньне сваіх канстутыцыйных правоў.

01.12.2010 На “гарачую лінію” грамадскай прыёмнай Лукашэнкі выйдзе старшыня Гомельскага аблвыканкама

Старшыня Гомельскага аблвыканкама ў свой працоўны час будзе разбірацца з тэлефанаваннямі грамадзянаў як давераная асоба кандыдата ў прэзідэнты. Такім чынам дзяржаўныя служачыя высокага ранга не саромеюцца выкарыстоўваць пры агітацыі свае службовае становішча і працоўны час.

01.12.2010 Слонім: Матэрыял пра сустрэчу з Севярынцам ідэолаг у эфір не пусціў

Журналісты з мясцовага тэлебачання Слонім-ТВС таксама здымалі рэпартаж з сустрэчы, і ён быў падрыхтаваны да выпуску ў эфір. Аднак калектыў наведаў ідэолаг са Слонімскага райвыканкама Ігар Лапікаў, які скінуў рэпартаж сабе на флэшку і пайшоў. Праз гадзіну паступіў загад з райвыканкама, каб рэпартаж не ставіць у эфір.