Праваабарончы цэнтр «ВЯСНА»

Навіны за 14 сьнежня 2010

14.12.2010 НАРОДНЫЯ НАВІНЫ: факты прымусу да галасавання (дапаўняецца)

Грамадзяне даволі актыўна рэагуюць на заклік “Праваабаронцаў за свабодныя выбары” паведамляць пра факты арганізацыі прымусовага галасавання. Таксама выбаршчыкі распавядаюць пра звязаныя з выбарамі сітуацыі, якія выклікаюць у іх абурэнне. Гэтыя паведамленні ад сённяшняга дня чытайце на нашым сайце.

14.12.2010 Павел Сапелка: Адміністрацыйныя справы супраць Пушкіна сфабрыкаваныя

13 снежня адвакат Павел Сапелка вывучыў матэрыялы справы, скіраванай супраць вядомага беларускага мастака Алеся Пушкіна, якога суд Крупскага раёну пакараў 13-цю суткамі адміністрацыйнага арышту па двух артыкулах КаАП - хуліганства і непадпарадкаванне законным патрабаванням супрацоўнікаў праваахоўных органаў.

14.12.2010 Нясвіжскія чыноўнікі распрацавалі інструкцыю для “канструктыўных” назіральнікаў (тэкст дакумента)

Нясвіжскі райвыканкам пасля публікацыі інфармацыі пра распрацаваную інструкцыю для назіральнікаў прыбраў яе са свайго афіцыйнага сайту. Дакумент утрымлівае парады па супрацьдзеянні “апаніруючым сілам”. У ліку апошніх, у прыватнасці, разглядаюцца міжнародныя назіральнікі, а таксама журналісты.

14.12.2010 Гродзеншчына: “Тэракты апазіцыі” як аргумент да датэрміновага галасавання

У дзяржаўнай установе “Аблспажыўсаюз” у працоўны час быў сабраны калектыў, які агітавалі прагаласаваць датэрмінова. Намеснік начальніка, а таксама начальнік аддзелу кадраў палохалі працоўны калектыў тым, што асноўны дзень галасавання – вельмі небяспечны, паколькі дзяржаўныя структуры інфармуюць пра магчымыя тэракты, якія рыхтуе апазіцыя.

14.12.2010 Бяроза: На датэрміновае галасаванне возяць аўтобусамі ў працоўны час

Гарадскія ўлады нічога новага на гэты раз не прыдумалі - у працоўны час рабочых арганізавана возяць па выбарчых участках, каб яны прагаласавалі датэрмінова. Першым выканаў указанне “зверху” дырэктар ААТ “Бярозабудматэр’ялы”, дэпутат абласнога савета Мікалай Жук.

14.12.2010 Барысаўскія прадпрымальнікі: Празрыстыя скрыні яшчэ спатрэбяцца

Барысаўскія прадпрымальнікі, якія за ўласныя сродкі набывалі празрыстыя скрыні і хацелі ўсталяваць іх на выбарчых участках горада, пасля забароны ЦВК не спяшаюцца выкідваць гэты інвентар.

14.12.2010 Брэст: Участковая камісія "не пярэчыць", але адмовілася ад празрыстых скрыняў

Брэсцкі прадпрымальнік Мікалай Савейка выказаў гатоўнасць за кошт уласных сродкаў аплаціць набыццё для ўчастковай выбарчай камісіі № 116 Маскоўскага раёна ў абласным цэнтры дзве празрыстыя скрыні для галасавання. І атрымаў два адказы.

14.12.2010 Мастакі выступілі ў абарону Алеся Пушкіна

Заява сябраў творчай суполкі "Пагоня" Беларускага саюза мастакоў з нагоды арышту мастака Алеся Пушкіна.

14.12.2010 Да выбаршчыкаў Пінска кандыдаты дабяруцца толькі ў канцы кампаніі

14 і 15 снежня ў Пінску запланаваны першыя агітацыйныя сустрэчы з выбаршчыкамі. Да гэтага часу ні кандыдаты ў прэзідэнты, ні іх давераныя асобы ў Пінск не даязджалі. Асабліва дзіўна выглядае такая пасіўнасць з боку альтэрнатыўных кандыдатаў на пасаду прэзідэнта. Атрымалася, што горад са 130 тысячным насельніцтвам не трапіў у агітацыйныя маршруты.

14.12.2010 “Універсітэт – не месца для палітычнага гвалту і прымусу!”

Такімі словамі завяршаецца зварот вядомай грамадскай дзеячкі з Брэста Ірыны Лаўроўскай, дасланы ў дзве вну горада – Брэсцкі дзяржаўны тэхнічны ўніверсітэт і Брэсцкі дзяржаўны ўніверсітэт. Спадарыня Лаўроўская заклікае кіраўніцтва адукацыйных установаў не прымушаць студэнтаў галасаваць датэрмінова.

14.12.2010 Нязграбнасць аршанскіх ідэолагаў

Хто б з «байцоў ідэалагічнага фронту» не спрабаваў задаць нязручнае пытанне кандыдату, ні ў каго не атрымлівалася зрабіць гэта карацей, чым за 2-3 хвіліны. За гэты час самі аўтары «каварных пытанняў» паспявалі забыць, з чаго ж яны пачыналі.

14.12.2010 Брэст: Унікальная эканомія

У Брэсце зафіксаваны ўнікальны выпадак: выбарчыя ўчасткі №№ 94 і 95 Маскоўскага раёна размешчаны ў адным пакоі плошчай менш за 20м/кв. У пакойчыку адначасова працуюць дзве выбарчыя камісіі, у двух камплектах прысутнічаюць і назіральнікі, а вось супрацоўнік міліцыі ў адзіным экземпляры.

14.12.2010 Вялікая Машчаніца: З выбарчага ўчастка прыбралі агітплакат Лукашэнкі

З выбарчага ўчастка № 17, які размяшчаецца ў аграгарадку Вялікая Машчаніца Бялыніцкага раёна, прыбралі агітацыйны плакат у падтрымку дзеючага кіраўніка краіны Аляксандра Лукашэнкі, у якім сцвярджалася, што Беларусь – гэта Лукашэнка Аляксандр Рыгоравіч.

14.12.2010 Гродзеншчына: Рэгістрацыя назіральнікаў выявіла нізкую кампетэнтнасць і падпарадкаванасць камісій

Ужо толькі рэгістрацыя незалежных назіральнікаў выявіла на Гродзеншчыне слабое веданне выбарчага права ў прадстаўнікоў участковых камісій, а таксама іх падпарадкаванасць выканаўчай уладзе.

14.12.2010 Актывістка атрымала адмову ва ўзбуджэнні крымінальнай справы

Міліцыя адмаўляецца далей разглядаць справу аб прабітых колах машыны актывісткі горадзенскага МФ Вольгі Багданкевіч. Такі фінал у серыі пагрозаў і запужванняў.