Бяроза: Плакатам Кастусёва не знаходзіцца месца

На выбарчым участку, які размешчаны ў філіяле Дома культуры па вуліцы Камсамольскай горада Бярозы, сарваны агітацыйны плакат Рыгора Кастусёва. Калі давераная асоба кандыдата ў Бярозаўскім раёне Анатоль Сахаруша запытаў у дзяжурнага сябра камісіі, дзе падзеўся плакат, той адказаў, што не ведае, бо плакат быў размешчаны са знешняга боку дзвярэй, і за захаванне плаката камісія не адказвае. Ён жа прапанаваў размясціць плакат на дзвярах з унутранага боку.

У той жа час, на іншым выбарчым участку, размешчаным у бальніцы, на ўнутраным баку дзвярэй плакат размяшчаць забаранілі, сказаўшы, што можна вывесіць толькі  з двара.

“Праваабаронцы за свабодныя выбары”