Ноу-хау ад Аршанскай гарадской выбарчай камісіі

Аршанская гарадская выбарчая камісія лічыць, што ні адзін грамадзянін Беларусі не мае права даць у СМІ аб'яву аб сустрэчы з кандыдатам у Прэзідэнты.

Такая выснова напрошваецца сама па сабе з адказу гэтай камісіі на скаргу прадстаўнікоў каманды Уладзіміра Някляева ў Оршы.

Напярэдадні візіту Някляева ў Оршу яго каманда паспрабавала даць аб'яву на мясцовым тэлеканале аб маючай адбыцца сустрэчы. Аднак тэрытарыяльная камісія забараніла прымаць аб'яву ад прыватных асоб. На думку камісіі, аб'явы аб сустрэчах з кандыдатамі ў Прэзідэнты могуць аплочвацца толькі з выбарчых фондаў кандыдатаў у Прэзідэнты.

Ніводнага дзеючага заканадаўчага акта ў падтрымку такой пазіцыі Аршанская камісія прывесці не змагла.

"Праваабаронцы за свабодныя выбары"