Затрыманыя актывісты кампаніі "Грамадзянін"

Трое актывістаў кампаніі "Грамадзянін" знаходзяцца  ў міліцыі Савецкага раёну  Мінска. Яны цягам дня раздавалі на выбарчых участках Мінска ўлёткі з  выгляду падобныя на позвы ў міліцыю.

У тэксце ўлётак пералічваліся артыкулы Выбарчага кодэксу, за парушэнне якіх прадугледжана крымінальная і адміністрацыйная адказнасць. Напрыканцы тэксту быў заклік не парушаць выбарчае заканадаўства.  

Траіх актывістаў кампаніі — Ягора Марчыля, Кірыла Багданчука і Юрыя Песінскага — затрымалі супрацоўнікі міліцыі Савецкага раёну Менску. Затрыманыя паспелі перадаць, што на іх складаюць пратаколы, але ў чым іх абвінавачваюць пакуль невядома, бо сувязь з імі абарвалася, а ў міліцыі адмаўляюцца даць якую-небудзь інфармацыю.