Рымашэўскі ладзіць у Крупках акцыю ў падтрымку Алеся Пушкіна
Кандыдат у прэзідэнты Віталь Рымашэўскі заклікае грамадскасць прыняць удзел у акцыі ў падтрымку мастака Алеся Пушкіна, якая пройдзе сёння каля РАУС у Крупках а 14-й гадзіне. Пра гэта Еўрарадыё распавёў сам кандыдат.
Рымашэўскі: “Па-першае, я буду ўдзельнічаць і мае давераныя асобы. Мы паедзем і папярэдзім міліцыю аб адказнасці, правядзем там пікетаванне. Я хачу нагадаць, што той, хто некалі арыштоўваў Алеся Пушкіна на мінулых выбарах, зараз адбывае пакаранне за “крышаванне” наркотыкаў, той міліцыянер. І трэба проста, каб яны ведалі, што без пакаранння не застануцца”.
Па словах Рымашэўскага, Алесь Пушкін у знак пратэсту прытрымліваецца галадоўкі ўжо некалькі дзён.
Нагадаем, мастак знаходзіцца пад арыштам з 9 снежня, калі яму прысудзілі 13 сутак арышту. Алеся Пушкіна звінавацілі ў хуліганстве.
