Праваабарончы цэнтр «ВЯСНА»

Навіны за 17 сьнежня 2010

17.12.2010 Гарадзеншчына: Сігнал з участковай камісіі пра нумараваныя бюлетэні

Праваабаронцам паведамілі, што на адным з участкаў сябры камісіі нумаравалі бюлетэні ў адпаведнасці са спісам выбаршчыкаў. Выбаршчыкам выдаваліся бюлетэні, на адваротным баку якіх тонкім алоўкам былі прастаўленыя ледзь бачныя нумары.

17.12.2010 Гродна: Статкевіч і Ус парадавалі выбаршчыкаў нестандартнасцю

Увечары 16 снежня Гродна наведалі адразу два кандыдаты ў прэзідэнты -- Мікалай Статкевіч і Дзмітрый Ус. Фармат сустрэчы з выбаршчыкамі выглядаў як “тры ў адным” – мітынг, шэсце, сустрэча ў зале. Яшчэ ні на адной сустрэчы з кандыдатамі ў горадзе не было столькі прадстаўнікоў мясцовых аддзелаў ідэалогіі і БРСМ.

17.12.2010 Магілёў: Вярхоўны суд не пасягнуў на недатыкальнасць ЦВК

Магілёўскі праваабаронца Барыс Бухель скардзіўся ў Вярхоўны суд на ўтойванне пастановаў ЦВК ад шырокай грамадскасці. Ён таксама патрабаваў, каб Цэнтрвыбаркам размесціў на сваім афіцыйным сайце ў адпаведных рубрыках 124 пастановы, якія дагэтуль на ім не размешчаны, і зрабіў сайт двухмоўным.

17.12.2010 Салігорск: Лічбы па датэрмінова прагаласаваўшых – “заплясалі”

Па падліках назіральніка, 16 снежня ўдзел у галасаванні прыняў 131 чалавек, а ў выніковым пратаколе выбарчай камісііі была абвешчана лічба 179. Праваабаронцы заяўляюць, што такая істотная розніцца ў 48 чалавек з'яўляецца сведчаннем фальсіфікацыі, бо ў папярэднія дні лічбы камісіі і назіральнікаў па гэтым участку практычна не адрозніваліся.

17.12.2010 Лунна: Скрыня апячатана ненадзейна

На выбарчым участку №19 Лунна Мастоўскага раёна старшыня ўчастковай камісіі Віктар Чэрнік у прысутнасці назіральнікаў з АБСЕ адняў паперку, якой заклеена шчыліна на скрыні для датэрміновага галасавання для ўкідвання бюлетэняў, ніколькі яе не пашкодзіўшы.

17.12.2010 Барысаў: Назіральнікі АБСЕ зацікавіліся ўчасткам, дзе выбаршчыкі прасілі даведку

Учора барысаўскі ўчастак № 7, вядомы тым, што менавіта там работнікі БАТЭ прасілі даведку аб датэрміновым галасаванні, наведалі назіральнікі АБСЕ. Сябры камісіі гэтага не абвяргалі.

17.12.2010 Гродна: Пракуратура і КДБ узяліся за грамадскіх актывістаў

У Гродне грамадскіх актывістаў пачалі выклікаць у пракуратуру і ўпраўленне КДБ. 16 снежня ў КДБ быў выкліканы гродзенскі грамадскі актывіст і рок-музыкант Дзмітрый Антаневіч. Сябра Партыі БНФ Дзяніса Івашына выклікалі ў Гродзенскую пракуратуру сёння, 17 снежня.

17.12.2010 Магілёў: Скрыню для галасавання аклейвалі паўторна

Назіральніца выбарчага ўчастка №66 Наталля Самахвалава паведаміла, што старшыня выбарчай камісіі ўстанавіла факт таго, што аркуш паперы, якім быў першапачаткова аклеена скрыня для датэрміновага галасавання ў прысутнасці сябраў камісіі, аказаўся адклееным.

17.12.2010 Ярмошына раіць прабачаць сябрам выбарчых камісій будучыя парушэнні

Прэзідэнцкія выбары не абыйдуцца без парушэнняў. Упэўненасць у непазбежнасці гэтага выказала страшыня ЦВК Лідзія Ярмошына.

17.12.2010 Прыгавораны да пакараньня сьмерцю звярнуўся да Прэзідэнта Беларусі

Прысуджаны да пакараньня сьмерцю Алег Грышкаўцоў звярнуўся да Прэзідэнта Рэспублікі Беларусь Аляксандра Лукашэнкі з прашэньнем прыпыніць выкананьне сьмяротнага прысуду да разгляду ў Камітэце па правах чалавека яго індывідуальнага паведамленьня. 13 сьнежня гэты ліст праз адвакатаў быў перададзены ў Адміністрацыю Прэзідэнта.

17.12.2010 Сябра Партыі БНФ пазбавілі статуса чальца ўчастковай выбарчай камісіі

Юрася Шпака-Рыжкава абвінавацілі ў тым, што ён блытаў паўнамоцтвы сябра камісіі і назіральніка.

17.12.2010 Дэмакратычнага актывіста выключылі са складу выбарчай камісіі

Рашэнне пра выключэнне прадстаўніка Партыі БНФ са складу ВК № 4 прыняў чыноўнік Ленінскага райвыканкама горада Мінска.

17.12.2010 ГА «БАЖ» - міліцыі: Не чапайце журналістаў!

Напярэдадні дня галасавання ГА «БАЖ» вырашыла нагадаць міліцыі пра права журналістаў прысутнічаць на вулічных акцыях, у тым ліку несанкцыянаваных.

17.12.2010 Брэст: На выбарчай скрыні нечакана перамясцілася пячатка

Як паведаміў назіральнік Андрэй Магер, які прысутнічаў пры апламбіраванні скрыні для датэрміновага галасавання, праз два дні ім было заўважана, што на скрыні на ўчастку № 111 пячатка і ліст паперы з подпісамі сяброў выбарчай камісіі размяшчаюцца ў іншым месцы, чым у першы дзень.

17.12.2010 Магілёў: Назіральніцы вынесена папярэджанне

“Мяне старшыня камісіі абвінаваціў у тым, што я падыходзіла да скрыні датэрміновага галасавання, датыкалася да яе рукамі, знаходзілася каля яе і стала выдачы бюлетэняў для галасавання, рабіла фотаздымкі....”, - гаворыць Яўгенія Цюркіна.