Генеральны сакратар ААН заклікаў улады Беларусі праявіць стрыманасць

2020 2020-08-15T15:24:01+0300 2020-08-15T15:24:02+0300 be http://spring96.org/files/images/sources/guterres-un.org.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Антоніу Гутэрыш. Фота: un.org

Антоніу Гутэрыш. Фота: un.org

Праблемы, якія ўзніклі ў Беларусі пасля прэзідэнцкіх выбараў, неабходна вырашаць з дапамогай дыялогу, а ўлады павінны праяўляць стрыманасць у адказ на дэманстрацыі, заявіў генеральны сакратар ААН Антоніу Гутэрыш. Пра гэта пішуць naviny.by.

"Генеральны сакратар заклікае беларусаў вырашаць праблемы, якія ўзніклі пасля выбараў, шляхам дыялогу, каб захаваць мір у краіне", — гаворыцца ў распаўсюджанай прэс-сакратаром кіраўніка ААН заяве.

Падкрэслена важнасць прадастаўлення ўсім беларусам магчымасці рэалізаваць свае грамадзянскія і палітычныя правы.

"Гэта ўключае ў сябе выказванне сваіх поглядаў мірным шляхам у адпаведнасці з законам. Улады павінны праяўляць стрыманасць у адказ на дэманстрацыі.

Сцвярджэнні аб катаваннях і іншых відах жорсткага абыходжання з асобамі, якія ўтрымліваюцца пад вартай, павінны быць старанна расследаваныя", — заявіў генеральны сакратар ААН.

Нагадаем, 14 жніўня пастаянны каардынатар ААН у Беларусі Іаана Казана-Вішнявецкі звярнулася з просьбай аб арганізацыі тэрміновай сустрэчы з міністрам унутраных спраў для абмеркавання пытанняў правоў чалавека, у прыватнасці абыходжання з асобамі, якія знаходзяцца ў месцах утрымання пад вартай, ажыццяўлення свабоды мірных сходаў у Беларусі, а таксама з мэтай прапанаваць неабходную дапамогу з боку сістэмы ААН.

Яна таксама папрасіла забяспечыць доступ супрацоўнікам ААН у два цэнтры ўтрымання пад вартай у Мінску з мэтай азнаямлення з умовамі зняволення.

Апошнія навіны

Партнёрства

Сяброўства