Затрымалі лідара АГП і давераную асобу Ціханоўскай Мікалая Казлова

У Мінску супрацоўнікі міліцыі затрымалі давераную асобу Святланы Ціханоўскай і лідэра Аб'яднанай грамадзяскай партыі Мікалая Казлова. Пра гэта Свабодзе паведаміла прэс-сакратарка штату Ціханоўскай Ганна Красуліна.

Прычыны і падставы затрымання ўдакладняюцца.

Ён стаў дзевятай даверанай асобай альтэрнатыўнай кандыдаткі, якіх затрымалі апошнімі днямі.

Калі вас ці вашых знаёмых затрымалі, выклікаюць у РУУС для складання пратакола ці ў суд, паведамляйце пра гэта праваабаронцам "Вясны" праз тэлеграм-бот @viasna_bot ці на гарачую лінію:

• +375 29 543 38 66 (у тым ліку Viber),
• @ViasnaSOS - тэлеграм.
• + 375 17 377 55 40

 Затрыманні дзявятага жніўня ў Мінску. Спіс

9 жніўня ў Беларусі праходзяць выбары прэзідэнта. Уся выбарчая кампанія, якая распачалася 8 траўня і цягнулася тры месяцы, суправаджалася масавымі рэпрэсіямі супраць грамадскіх актывістаў, незалежных журналістаў і блогераў.

У рэгіёнах Беларусі працягваюць затрымліваць актывістаў і назіральнікаў 9 жніўня. Спіс

У асноўны дзень выбараў прэзідэнта па краіне працягваюць затрымліваць грамадзянскіх актывістаў і альтэрнатыўных назіральнікаў. ПЦ "Вясна" збірае звесткі пра затрыманых.